بۇل قىلمىستىق ءىس اتىراۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قارالدى. كۇدىكتىگە قىلمىستىق كودەكستىڭ 99-بابىنىڭ 1-بولىگىمەن ايىپ تاعىلعان.
سوتتىڭ ماتەريالىنا قاراعاندا, كۇدىكتى ك. اتىراۋ قالاسىنداعى تۇرعىلىقتى مەكەن جايىندا ايەلى ت.-مەن بىرگە سپيرتتىك ىشىمدىك ىشكەنى انىقتالعان. كەيىن قىزعانىشتىڭ سالدارىنان ايىپتالۋشى جابىرلەنۋشىنىڭ دەنەسىنە سوققى جاساعان. جابىرلەنۋشى العان جاراقاتىنان قايتىس بولعان.
پروكۋرور ايىپتالۋشىعا 10 جىل مەرزىمگە باس بوستاندىعىنان ايىرۋ جازاسىن تاعايىنداۋدى سۇرادى. الايدا, قورعاۋشى تاراپ ايىپتالۋشىنىڭ جۇبايىن ولتىرۋگە نيەتى بولماعانىن العا تارتقان. وسىلايشا, ايىپتالۋشىنىڭ ءىس-ارەكەتىن جابىرلەنۋشىنىڭ ولىمىنە اكەپ سوققان دەنساۋلىققا قاساقانا اۋىر زيان كەلتىرۋ رەتىندە سارالاۋدى سۇرادى.
ايىپتالۋشى ك.-نىڭ كىناسى سوت وتىرىسىندا زەرتتەلگەن دالەلدەمەلەردىڭ جيىنتىعىمەن, اتاپ ايتقاندا, كۋالاردىڭ ايعاقتارىمەن, تەرگەۋ ارەكەتتەرىنىڭ حاتتامالارىمەن, سوت ساراپتامالارىنىڭ قورىتىندىلارىمەن تولىق دالەلدەندى.
«سوت جازا تاعايىنداۋ بارىسىندا قىلمىستىق جاۋاپتىلىق پەن جازانىجەڭىلدەتەتىن ءمان-جاعدايلاردى ەسكەردى. بۇل – جاساعان ارەكەتىنە شىن جۇرەكتەن وكىنۋى, كىناسىن مويىنداۋى, بۇرىن سوتتالماعانى. قىلمىستىق قۇقىق بۇزۋشىلىقتى الكوگولدىك ماساڭ كۇيدە جاساۋى اۋىرلاتاتىن ءمان-جاي رەتىندە تانىلدى. سوت ۇكىمىمەن ك. ايىپ تاعىلعان باپپەن كىنالى دەپ تانىلدى. وعان 10 جىل مەرزىمگە باس بوستاندىعىنان ايىرۋ جازاسى تاعايىندالدى», دەپ حابارلادى اتالعان سوتتان.
سوت ۇكىمى زاڭدى كۇشىنە ەنگەن جوق.
