فوتو: istockphoto.com
ورتالىق كوممۋنيكاتسيالار قىزمەتىندە وتكەن بريفينگتە قالا باسشىسى جاڭا اۋەجاي قۇرىلىسىنا قاتىستى سۇراقتارعا جاۋاپ بەردى. اكىمنىڭ ايتۋىنشا, قازىرگى تاڭدا تاراپ جاتقان اقپاراتتار – جاي عانا قاۋەسەت. دەگەنمەن, قالانىڭ باس جوسپارىندا بولاشاقتا قاجەتتىلىك تۋىنداعان جاعدايدا قوسىمشا اۋەجاي سالۋ ءۇشىن بىرنەشە ارنايى ۋچاسكە الدىن الا بەلگىلەنىپ قويعان.
«ەرتە مە, كەش پە ەكىنشى, ءتىپتى ودان دا كوپ اۋەجاي قاجەت بولادى. بىراق بۇگىنگى تاڭدا ءبىز قولدانىستاعى اۋەجايدىڭ الەۋەتىن پايدالانۋدى كوزدەپ وتىرمىز. ونىڭ قۋاتتىلىعىن ەكى ەسە ارتتىرۋ جوسپاردا بار», دەدى جەڭىس قاسىمبەك.
سونىمەن قاتار اكىم قازىرگى اۋەجايدىڭ تەمىرجول جەلىلەرىنەن قاشىق ورنالاسقانىن اتاپ ءوتتى. ەگەر بولاشاقتا جولاۋشىلار سانى مەن جۇك تاسىمالى اعىنى ەسەلەپ ارتاتىن بولسا, جاڭا اۋە ايلاعىن سالۋ ماسەلەسى كۇن تارتىبىنە شىعۋى مۇمكىن. ازىرگە بيلىك بار نازاردى قولدانىستاعى نىساندى جاڭعىرتۋعا اۋدارماق.
بۇعان دەيىن قالا اكىمى 2027 جىلى استانادا العاش رەت ەكى دەڭگەيلى الىپ اۆتوماگيسترال قۇرىلىسى باستالاتىنىن جانە LRT-نىڭ جوسپاردان ەرتە اشىلۋى مۇمكىن ەكەنىن ايتقان ەدى.
