فوتو: istockphoto.com
مىڭداعان وتباسى قونىس تويىن تويلادى
وبلىس تاريحىندا سوڭعى ءۇش جىلدا العاش رەت بارلىق اۋداندا بىردەي تۇرعىن ءۇي قۇرىلىسى جاپپاي قولعا الىندى. ناتيجەسىندە 1 800-گە جۋىق وتباسى باسپانالى بولىپ, ارماندارىنا قول جەتكىزدى. اتاپ ايتقاندا:
- 2023 جىلى – 430 پاتەر;
- 2024 جىلى – 1015 پاتەر;
- 2025 جىلى – 332 پاتەر پايدالانۋعا بەرىلدى.
بيىل بۇل قارقىن باسەڭدەمەيدى: بيۋدجەتتەن بولىنگەن 58,7 ملرد تەڭگەگە تاعى 3600 پاتەرلىك ۇيلەردىڭ قۇرىلىسى باستالدى.
وڭىردەگى قۇرىلىس جۇمىستارىنىڭ وزەگى – وسكەلەڭ ۇرپاقتىڭ ساپالى ءبىلىم مەن تاربيە الۋىنا باعىتتالعان. ء«بىلىمدى قولداۋ قورىنىڭ» 8,4 ملرد تەڭگەسىنە سالىنعان فيزيكا-ماتەماتيكا باعىتىنداعى ء«بىلىم-يننوۆاتسيا» ليتسەي-ينتەرناتى مەن ارال اۋدانىنداعى جاڭا مەكتەپ سونىڭ ايقىن دالەلى.
سونىمەن قاتار قىزىلوردا قالاسىندا 11 ملرد تەڭگەگە «سىر جۇلدىزدارى» اكادەمياسى بوي كوتەرىپ جاتسا, ءىرى كومپانيالاردىڭ دەمەۋشىلىگىمەن زاماناۋي وقۋشىلار سارايى مەن مۋزىكالىق كوللەدجدىڭ جاڭا عيماراتى اشىلدى. بولاشاق مامانداردى دايارلايتىن «قۇزىرەتتىلىك ورتالىعى» مەن بالالاردىڭ جىل بويى تىنىعاتىن دەمالىس لاگەرى دە ايماقتىڭ اجارىن اشا تۇسپەك.
جاسىل ايماق جانە تۋريزم: قىزىلوردانىڭ جاڭا كەلبەتى
«تازا قازاقستان» باعدارلاماسى اياسىندا وبلىس ورتالىعى تانىماستاي وزگەردى. قايتا جاڭعىرعان پرەزيدەنت ساياباعى, قورقىت اتا مەموريالدى اللەياسى مەن جاڭارعان قالالىق دەمالىس پاركى تۇرعىنداردىڭ سۇيىكتى ورنىنا اينالدى. الداعى ۋاقىتتا سىرداريا وزەنىنىڭ ۇستىنەن وتەتىن جاياۋ جۇرگىنشىلەر كوپىرى مەن بەس جۇلدىزدى قوناقۇي قۇرىلىسى اياقتالعاندا, قىزىلوردانىڭ تۋريستىك الەۋەتى ءتىپتى ارتا تۇسپەك.
اۋىلداردى اباتتاندىرۋعا باعىتتالعان «ۇلگىلى ەلدى مەكەن» كونكۋرسى دا ءوز جەمىسىن بەرىپ, جەڭىمپاز اۋىلدار زاماناۋي تەحنيكالارمەن جاراقتاندىرىلىپ جاتىر. وسىلايشا, سىر ءوڭىرى بۇگىندە تەك كۇرىشتىڭ وتانى عانا ەمەس, جاسامپاز قۇرىلىس پەن جايلى ءومىردىڭ مەكەنىنە اينالىپ كەلەدى.
