فوتو: ءىىم ءباسپاسوز قىزمەتى
ىشكى ىستەر ءمينيسترى ەرجان سادەنوۆ ساۋد ارابياسى كورولدىگىنىڭ ىشكى ىستەر ءمينيسترى ابدۋل-ازيز بەن ساۋد بەن نايفا ءال ساۋدتىڭ شاقىرۋىمەن ەر-رياد قالاسىنا رەسمي ساپارمەن باردى.
ساپار اياسىندا ەكىجاقتى كەزدەسۋ ءوتىپ, تاراپتار قوعامدىق قاۋىپسىزدىكتى قامتاماسىز ەتۋ جانە ترانسۇلتتىق قىلمىسقا قارسى ءىس-قيمىل سالاسىنداعى وزەكتى ماسەلەلەر مەن ىنتىماقتاستىقتى كەڭەيتۋ پەرسپەكتيۆالارىن تالقىلادى.
ۇيىمداسقان قىلمىستىق توپتارعا, ەسىرتكى قۇرالدارىنىڭ زاڭسىز اينالىمىنا, ەكسترەميزم مەن كيبەرقىلمىسقا قارسى كۇرەستەگى ءوزارا ءىس-قيمىلعا, سونداي-اق ىزدەۋدەگى تۇلعالاردى انىقتاۋ جانە قۇقىق قورعاۋ قىزمەتىندەگى وزىق تاجىريبەلەرمەن الماسۋ ماسەلەلەرىنە ەرەكشە نازار اۋدارىلدى.
كەلىسسوزدەر قورىتىندىسى بويىنشا تاراپتار قول جەتكىزىلگەن ۋاعدالاستىقتاردى ىسكە اسىرۋعا جانە ودان ءارى ىنتىماقتاستىق قادامدارىن ۇيلەستىرۋگە باعىتتالعان پراكتيكالىق ءوزارا ءىس-قيمىل ماسەلەلەرى جونىندەگى بىرلەسكەن كوميسسيا قۇرۋعا دايىن ەكەندىكتەرىن ءبىلدىردى.
ساپار بارىسىندا قازاقستاندىق دەلەگاتسيا ساۋد ارابياسى كورولدىگىنىڭ ىشكى ىستەر مينيسترلىگىنىڭ جەدەل باسقارۋ جانە جاساندى ينتەللەكتتى دامىتۋ ورتالىقتارىنىڭ, ارنايى بولىمشەلەرىنىڭ قىزمەتىمەن, سونداي-اق نايف اتىنداعى قاۋىپسىزدىك عىلىمدارى ۋنيۆەرسيتەتىنىڭ ءبىلىم بەرۋ جانە عىلىمي الەۋەتىمەن تانىستى.
بۇل ساپار قازاقستان مەن ساۋد ارابياسىنىڭ قۇقىق قورعاۋ ورگاندارى اراسىنداعى سەرىكتەستىكتى ودان ءارى نىعايتۋعا جانە پراكتيكالىق ءوزارا ءىس-قيمىلدى دامىتۋعا, ونىڭ ىشىندە جاساندى ينتەللەكت تەحنولوگيالارىن دامىتۋ جانە قولدانۋ, كادرلار دايارلاۋ, سونداي-اق باسقا دا سالالاردا تاجىريبە الماسۋعا ەكى تاراپتىڭ دا مۇددەلى ەكەنىن راستادى.
