سولتۇستىك قازاقستاندا ناعىز قىس قاھارىنا مىنەدى. پەتروپاۆلدا جانە وبلىستىڭ سولتۇستىگى مەن شىعىسىندا قار جاۋىپ, بوران سوعادى. جەلدىڭ ەكپىنى سەكۋندىنا 23-28 مەترگە دەيىن جەتەدى.
كوكشەتاۋدا جانە اقمولا وبلىسىنىڭ باسىم بولىگىندە قار ۇشقىنداپ, بوران بولادى. جەلدىڭ ەكپىنى 25 م/س دەيىن كۇشەيەدى.
شىعىس قازاقستان جانە اباي وبلىسىندا, سەمەي مەن وسكەمەندە جاياۋ بوران سوعىپ, تۇمان تۇسەدى. وڭىرلەردە قار جاۋى ىقتيمال, جەلدىڭ ەكپىنى 23 م/س دەيىن جەتەدى.
باتىس قازاقستاندا جانە ورالدا قار ارالاس جاڭبىر جاۋىپ, جاياۋ بوران مەن كوكتايعاق بولادى. تۇمان ءتۇسۋى دە عاجاپ ەمەس.
وڭتۇستىك وڭىرلەردە, اتاپ ايتقاندا, قىزىلوردا, تاراز جانە جامبىل وبلىستارىندا تۇمان مەن كوكتايعاق كۇتىلۋدە. تاۋلى ايماقتاردا بوران سوعادى.
ورتالىق جانە باسقا ايماقتاردا, قاراعاندى (جەزقازعان), ۇلىتاۋ, پاۆلودار, قوستاناي جانە ماڭعىستاۋ وبلىستارىندا تۇمان مەن كوكتايعاق بولادى. اقتاۋدا كۇندىز كوكتايعاق بولىپ, جەل كۇشەيەدى. جەتىسۋ وبلىسىندا تاۋلى ايماقتاردا قار جاۋىپ, الاكول ماڭىندا قاتتى جەل سوعادى.
سينوپتيكتەر جولعا شىعاردا اباي بولۋدى, كوكتايعاق پەن تۇمان كورۋ مۇمكىندىگىن شەكتەپ, جولدى تايعاق ەتەتىنىن ەسكەرتتى. سوندىقتان مۇمكىندىگىنشە الىس ساپاردان باس تارتقان ءجون.
