وقيعا فەدوروۆكا اۋىلىنان شامامەن 4 شاقىرىم جەردە بولعان. تاجىكستان – رەسەي باعىتىمەن كەلە جاتقان اۆتوبۋس قاتتى اياز كەزىندە تەحنيكالىق اقاۋعا بايلانىستى جولدا قالعان. اۋا تەمپەراتۋراسىنىڭ كۇرت تومەندەۋىنە بايلانىستى جولاۋشىلاردىڭ ءومىرى مەن دەنساۋلىعىنا قاۋىپ تونگەن.
قۇتقارۋ جۇمىستارىنا تجم, جەرگىلىكتى اتقارۋشى ورگاندار مەن پوليتسيا قىزمەتكەرلەرى جۇمىلدىرىلدى. ناتيجەسىندە 16 ادام, ونىڭ ىشىندە سەگىز بالا قاۋىپسىز جەرگە ەۆاكۋاتسيالاندى. جولاۋشىلار جاركول اۋىلىنداعى جىلىنۋ پۋنكتىنە ورنالاستىرىلدى.
رەسمي مالىمەتكە سايكەس, ەشكىم مەديتسينالىق كومەككە مۇقتاج بولماعان.
ماماندار اۋا رايى كۇرت ناشارلاعان كەزەڭدە الىس جولعا شىقپاۋعا كەڭەس بەرەدى. توتەنشە جاعداي تۋىنداعان جاعدايدا 112 نومىرىنە دەرەۋ حابارلاسۋ قاجەتتىگى ەسكەرتىلدى.
