قاداعالاۋ ورگانىنىڭ مالىمەتىنشە, 2018 جىلى اتالعان ازامات بانكتەردىڭ ءبىرىنىڭ ءموبيلدى قوسىمشاسىنداعى جۇيەلىك قاتەلىكتەردى پايدالانىپ, ءوزىنىڭ كارتاسىنداعى شوت قالدىعىنان اسىپ تۇسەتىن سومادا — 55 ميلليون تەڭگەگە جالعان اۋدارىمدار جاساعان.
وسىدان كەيىن كۇدىكتى تەرگەۋدەن بوي تاسالاپ, حالىقارالىق ىزدەۋگە جاريالانعان.
بيىل ول شۆەتسيا اۋماعىندا ۇستالىپ, قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا ەلگە ەكستراديتسيالانعان.
قازىرگى ۋاقىتتا كۇدىكتى تەرگەۋ يزولياتورىنا قامالدى. وعان مۇلكىن تاركىلەي وتىرىپ, 5 جىلدان 10 جىلعا دەيىن باس بوستاندىعىنان ايىرۋ جازاسى قولدانىلۋى مۇمكىن.
باس پروكۋراتۋرادا اتاپ وتكەندەي, قازاقستان مەن شۆەتسيا اراسىندا قىلمىسكەرلەردى بەرۋ تۋرالى كەلىسىم بولماعانىنا قاراماستان, 2023 جىلدان بەرى بۇل ەلدەن قازاقستانعا ءتورت ادام ەكستراديتسيالانعان. ولاردىڭ قاتارىندا جالعان اقشا جاساۋ جانە الاياقتىق قىلمىستارى بويىنشا ىزدەۋدە جۇرگەن ازاماتتار بار.
