فوتو: Turizm jane sport ministrligi
قازاقستان قۇراماسى باستاپقى كەزەڭدە وڭتۇستىك كورەياعا 9:10, يران كومانداسىنا 3:5 ەسەبىمەن جەڭىلسە دە, كوماندا ويىن جۇيەسىن رەتتەپ, تاكتيكالىق تۇرعىدا جيناقتالىپ, كەزدەسۋلەردىڭ بارىسىن ءوز پايداسىنا شەشە ءبىلدى. ناتيجەسىندە وتانداس گولبولشىلار ساۋد ارابياسىن 12:7, تايلاندتى 11:1 ەسەبىمەن جەڭىپ, پلەي-وفف كەزەڭىنە جولداما الدى.
جارتىلاي فينالدا قازاقستان قۇراماسى يران كومانداسىن 7:5 كورسەتكىشىمەن ۇتىپ, فينالدىق باسەكەدە وڭتۇستىك كورەيا قۇراماسىنان 9:6 ەسەبىمەن باسىم ءتۇسىپ, جارىستىڭ التىن جۇلدەگەرى اتاندى.
«جارىس بارىسىندا بارلىعى التى ويىن وتكىزدىك. سپورتشىلار جارىسقا جاقسى دايىندىقپەن كەلدى. مەملەكەت قولداۋىمەن الماتى مەن استانادا وقۋ-جاتتىعۋ جيىندارى ۇيىمداستىرىلدى. ناتيجەگە كوڭىلىمىز تولادى. كوماندا قۇرامىنداعى التى سپورتشىنىڭ تورتەۋى ءۇشىن بۇل العاشقى حالىقارالىق جارىس بولعانىنا قاراماستان, ولار وزدەرىن جوعارى دەڭگەيدە كورسەتە ءبىلدى», دەدى باس باپكەر اندرەي شپەحت.
V ازيا پارا ويىندارى وسى ايدىڭ 10-13 كۇندەرى دۋبايدا ء(باا) ءوتتى. ءدۇبىرلى دودادا ەلىمىز نەشە مەدال العانىن وسىعان دەيىن جازعانبىز.
