نانوسپۋتنيك Ziwei Aerospace كومپانياسىنىڭ «ديەر-5» (ياو-8 ميسسياسى) عارىش اپپاراتى ارقىلى «كۋايچجوۋ-11» زىمىران تاسىعىشىمەن وربيتاعا جەتكىزىلدى.
عارىشتىق زەرتتەۋلەرگە ارنالعان بۇل قۇرىلعى سولتۇستىك-باتىس پوليتەحنيكالىق ۋنيۆەرسيتەتى (سبپۋ) مەن ءال-فارابي اتىنداعى قازاق ۇلتتىق ۋنيۆەرسيتەتى بىرلەسىپ ازىرلەگەن. نانوسپۋتنيك ماقساتتاردى جوعارى تۇراقتىلىقپەن مانەۆرلى باقىلاۋ, يكەمدى سەنسورلارعا نەگىزدەلگەن پلاتفورما وريەنتاتسياسىن ديناميكالىق قابىلداۋ جانە كومپەنساتسيالاۋ, سونىمەن قاتار OpenHarmony اشىق باستاپقى كودى بار وپەراتسيالىق جۇيەگە نەگىزدەلگەن قاشىقتان زوندتاۋ كەسكىندەرىن اۆتونومدى تانۋ سياقتى بىرنەشە نەگىزگى مىندەتتەردى اتقارادى.
ونىڭ نەگىزگى ءتورت ارتىقشىلىعى بار: كوممەرتسيالىق كومپونەنتتەر مەن يننوۆاتسيالىق ديزاين ارقىلى جوعارى ەكونوميكالىق تيىمدىلىك; جوعارى تۇراقتىلىق پەن ءدال باعىتتاۋ; وريەنتاتسيا قاتەلەرىن بەيىمدەلگەن تۇردە كومپەنساتسيالاۋعا ارنالعان جوعارى ەسەپتەۋ قۋاتى; دەرەكتەردى جەرگە جىلدام الىپ-جەتكىزۋ ءۇشىن جوعارى وپەراتيۆتىك ارەكەتتەستىك.
جوباعا قازۇۋ بازاسىنداعى سبپۋ فيليالى, ء«بىر بەلدەۋ – ءبىر جول» باستاماسى اياسىنداعى ۇلتتىق بىرلەسكەن زەرتتەۋ لابوراتورياسى, اۋە-عارىش ينستيتۋتى جانە يكەمدى ەلەكترونيكا ۇلتتىق نەگىزگى زەرتحاناسى قاتىستى.
جوبانىڭ كونسۋلتانتى – اكادەميك حۋان ۆەي, جالپى جەتەكشىسى – پروفەسسور يۋە سياوكۋي, جەتەكشىنىڭ ورىنباسارى – قازۇۋ پروفەسسورى زاۋرە راقىشەۆا. بىرلەسكەن زەرتتەۋ توبىنا قىتاي مەن قازاقستاننان 20-دان استام مامان جانە جاس زەرتتەۋشىلەر جۇمىلدىرىلعان.
بىرلەسكەن جۇمىس عارىشتى زەرتتەۋ, بىلىكتى ماماندار دايارلاۋ جانە ورتاق سپۋتنيكتەردى جاساۋ, سونداي-اق, ميكروسپۋتنيك ارقىلى جەردى قاشىقتان زەرتتەۋگە مۇمكىندىك بەرەدى.
