2025 جىلدىڭ ءبىرىنشى جارتىجىلدىعىندا 5 جاسقا تولعان 7 340 قازاقستاندىق بالا مەملەكەت تاراپىنان قولداۋ الدى. ولاردىڭ وتباسى بانكىندەگى «AQYL» ءبىلىم بەرۋ دەپوزيتتەرىنە جالپى سوماسى 1,7 ملرد تەڭگە بولاتىن باستاپقى ءبىلىم بەرۋ كاپيتالى اۋدارىلدى.
سونىڭ ىشىندە 23 بالا جەتىم بالالار مەن اتا-اناسىنىڭ قامقورلىعىنسىز قالعان بالالار رەتىندە 471 840 تەڭگەدەن الدى.
باستاپقى كاپيتال الداعى ۋاقىتتا بالالارعا ارمانداعان ماماندىعىنا اپارار جولدى باستاۋعا كومەكتەسەدى. قاراجات ساقتالىپ, بالاڭىزدىڭ بولاشاعىنا جۇمىس ىستەۋى ءۇشىن قاراپايىم, بىراق مىندەتتى شارتتى ۇمىتپاۋ ماڭىزدى. بالانىڭ كامەلەت جاسىنا تولعانىنا دەيىن نەمەسە ءبىلىم بەرۋ ۇيىمىنا وقۋعا تۇسكەنگە دەيىن «AQYL» دەپوزيتىن جىل سايىن تولىقتىرىپ وتىرۋ قاجەت.
2025 جىلى ءبىلىم بەرۋ دەپوزيتىنە ەڭ تومەنگى جىل سايىنعى جارنا مولشەرى:
- 24 اەك نەمەسە 94 368 تەڭگە – بارلىق بالالار ءۇشىن;
- 12 اەك نەمەسە 47 184 تەڭگە – الەۋمەتتىك وسال ساناتتاعى بالالار ءۇشىن;
- 0 تەڭگە – جەتىم بالالار مەن اتا-اناسىنىڭ قامقورلىعىنسىز قالعان بالالار ءۇشىن.
جارنانى ءبىر رەتتىك تولىق سوما رەتىندە دە, ءبولىپ-ءبولىپ تە سالۋعا بولادى – باستىسى, ول 2025 جىلدىڭ 31 جەلتوقسانىنا دەيىن ەنگىزىلۋى ءتيىس.
ەگەر جىل قورىتىندىسى بويىنشا قاجەتتى سوما تولىق تولەنبەسە, مەملەكەت بولگەن باستاپقى كاپيتال بيۋدجەتكە قايتارىلادى.
2025 جىلدىڭ ەكىنشى جارتىجىلدىعىندا 5 جاسقا تولاتىن بالالارعا قاراجات 2026 جىلدىڭ اقپان ايىندا اۋدارىلادى.
«كەلەشەك» باعدارلاماسى اياسىنداعى باستاپقى ءبىلىم بەرۋ كاپيتالى تەك «AQYL» ءبىلىم بەرۋ دەپوزيتتەرىنە عانا جانە اعىمداعى جىلى 5 جاسقا تولاتىن بالالارعا عانا ەسەپتەلەدى. مىسالى, ەگەر بالا 5 جاسقا ەكى جىلدان كەيىن, ياعني 2027 جىلى تولاتىن بولسا, باستاپقى ءبىلىم بەرۋ كاپيتالى 2027 جىلى اۋدارىلادى.
«AQYL» – ءبىلىم الۋعا كەتەتىن شىعىندارعا الدىن الا جانە ەڭ از قارجىلىق جۇكتەمەمەن دايىندالۋعا مۇمكىندىك بەرەتىن قۇرال. ول قازاقستاندا دا, شەتەلدە دە ءبىلىم الۋعا ارنالعان. دەپوزيت نەعۇرلىم ەرتەرەك اشىلسا, جەكە جيناقتارعا بانكتىڭ سىياقىسى مەن مەملەكەتتىك سىيلىقاقىسى سوعۇرلىم ەرتەرەك ەسەپتەلە باستايدى.
«AQYL»:
- سىياقى مولشەرلەمەسى – 14,9 %;
- مەملەكەتتىك سىيلىقاقى: سالىمشىلاردىڭ بارلىق ساناتتارى ءۇشىن – 5%. ال جەتىم بالالارعا, اتا-اناسىنىڭ قامقورلىعىنسىز قالعان بالالارعا, مۇمكىندىگى شەكتەۋلى بالالارعا, كوپبالالى جانە از قامتىلعان وتباسىلارداعى بالالارعا – 7%;
- دەپوزيت اشۋ كەزىندەگى مىندەتتى باستاپقى جارنا مولشەرى – 3 اەك.
