ونىڭ سوزىنشە, قالا اكىمدىگىنىڭ باستى مىندەتى – الماتىلىقتاردىڭ تۇرمىس ساپاسىن جاقسارتۋ.
«2025 جىلى قالادا 92 مىڭ جاڭا جۇمىس ورنى قۇرىلدى. ونىڭ 87 پايىزى – تۇراقتى جۇمىس ورىندارى. جۇمىسپەن قامتىلعانداردىڭ 64,7 پايىزى شاعىن جانە ورتا بيزنەس سالاسىنا تيەسىلى, ال 35,3 پايىزى اكىمدىك جۇزەگە اسىرىپ جاتقان سالالىق جانە ينفراقۇرىلىمدىق جوبالار اياسىندا اشىلدى», دەدى قالا اكىمى.
سونداي-اق دارحان ساتىبالدى الماتى تۇرعىندارىنىڭ ورتاشا ايلىق جالاقىسى 539 مىڭ تەڭگەنى قۇراعانىن حابارلادى. بۇل كورسەتكىش اتاۋلى تۇردە 14,5 پايىزعا ءوسىپ, رەسپۋبليكا بويىنشا ورتاشا دەڭگەيدەن 29 پايىزعا جوعارى. اكىم بۇل دەرەكتەر اعىمداعى جىلدىڭ توعىز ايىنىڭ قورىتىندىسى بويىنشا جاسالعانىن اتاپ ءوتتى.
