ءدۇبىرلى دودادا توپ جاردى

وبلىستىق بالالار شىعار­ماشىلىعى ورتا­لىعىندا وتكەن «Bala Turkvizyon-قازاقستان» حالىق­ارالىق بالالار ءان بايقاۋىنىڭ ىرىكتەۋ كەزەڭىندە جۇزدەگەن ءۇمىت­كەرلەر اراسىنان 11 جاستاعى دينا ديارات توپ جارىپ, ىستامبۇلعا جولداما الدى. ءدۇبىرلى دودانىڭ جەڭىمپازى شالعايداعى ءۋاليحانوۆ اۋدانىنىڭ كىشكەنەكول اۋىلىندا تۇرادى. كىشكەنتايىنان ءان ايتۋعا قۇمار بولىپ وسكەن ت ۇلىمشاعى جەلبىرەگەن دينا ساحنانىڭ گ ۇلى دەسە دە بولادى. التىناي جوراباەۆا, جانار دۇعالوۆا سەكىلدى جەزتاڭداي ءانشى اپكەلەرىنە ۇقساۋعا تىرىسىپ, ۇستازى نۇربولات جانايدىڭ ايتقاندارىن قالت ەتپەيدى. قازاقستاننىڭ ونەرلى جاستارىنا ءبىلىم, عىلىم جانە مادەنيەت سالالارى بويىنشا قولداۋ كورسەتىپ كەلە جاتقان «جاندانۋ الەمى» قورىنىڭ باستاماسىمەن ۇيىمداستىرىلىپ جۇرگەن اتالمىش بايقاۋ 8-13 جاس ارالىعىنداعى دارىندى بالعىنداردى جۇرتشىلىققا تانىتادى. ولاردىڭ ديسكىگە جازىلعان اندەرى ءبىلىم وشاقتارىنا تاراتىلادى. دينانىڭ تۇركى تىلىندە دە اۋەلەتە شىرقاعان اندەرى قازىلار تاراپىنان ەڭ جوعارى باعا الىپ, جەڭىمپاز رەتىندە ءبىراۋىزدان تانىلدى. – جاس ونەرپاز الماتىعا «جۇل­دىزدار ۇيىندە» كاسىبي مامانداردان ءان ايتۋ­دىڭ قىر-سىرىنا ۇيرەنەدى. ەكى اپتالىق شەبەرلىك ساباعىن العاننان كەيىن تۇركيانىڭ استاناسىندا وتەتىن «Bala Turkvizyon» بايقاۋىنىڭ گراند-فينالىندا ەل نامىسىن قورعايتىن بولادى, – دەيدى دينانىڭ تالىمگەر-پروديۋسەرى ءادىلحان ماكين.  الما قۋاندىققىزى. سولتۇستىك قازاقستان وبلىسى.