11 ەڭبەك ميگرانتى قالاداعى ساۋدا-ويىن-ساۋىق ورتالىقتارىنىڭ بىرىندە مونتاجداۋ جۇمىستارىن جۇرگىزگەن. تەكسەرۋ بارىسىندا ولاردىڭ ءتيىستى رۇقسات قۇجاتتارى جوق بولىپ شىقتى. قۇقىق بۇزۋشىلار پوليتسيا باسقارماسىنا جەتكىزىلدى.
«قازاقستان رەسپۋبليكاسىنىڭ كوشى-قون زاڭناماسىن بۇزعان شەتەل ازاماتتارى زاڭ الدىندا جاۋاپقا تارتىلادى. قۇقىق بۇزۋشىلار ەل اۋماعىنان شىعارىلۋى مۇمكىن. الداعى ۋاقىتتا سوت شەشىم قابىلدايدى. ۇستالعان شەتەل ازاماتتارى قوستانايعا وسىدان بىرنەشە كۇن كەلگەنى انىقتالدى», دەپ حابارلادى وبلىستىق پد-نىڭ ءباسپاسوز قىزمەتى.
جەرگىلىكتى اتقارۋشى ورگاننىڭ رۇقساتىنسىز شەتەلدىك جۇمىس كۇشىن پايدالانعان كاسىپكەر دە اكىمشىلىك جاۋاپكەرشىلىككە تارتىلدى.
كوشى-قون قىزمەتى باسقارماسىنىڭ باستىعى قايرات دۇتپاەۆتىڭ ايتۋىنشا, جىل باسىنان بەرى وڭىردە كوشى-قون زاڭىن بۇزعان 1500-دەن اسا شەتەل ازاماتىنىڭ جولى كەسىلگەن.
قوستاناي وبلىسى
