فوتو: istockphoto.com
جۇيە ءار ادامنىڭ سويلەۋ ىرعاعىن ساقتاي وتىرىپ اۋدارادى. بۇل سۇحباتتى باقىلاۋدى نەمەسە كىمنىڭ نە ايتىپ جاتقانىن ءتۇسىنۋدى جەڭىلدەتەدى.
«باسقا تىلدە اڭگىمەلەسۋگە تىرىسىپ جاتساڭىز دا, شەتەلدەگى باياندامانى نەمەسە ءدارىستى تىڭداساڭىز دا, ءتىپتى بوتەن تىلدەگى تەلەشوۋدى نەمەسە ءفيلمدى كورسەڭىز دە, قۇلاققاپتى تاعىپ, Translate قولدانباسىن اشىپ, «Live Translate» تۇيمەسىن باسساڭىز بولدى, اۋدارمانى وزىڭىزگە ىڭعايلى تىلدە تىڭداي الاسىز», دەپ مالىمدەدى روۋز ياو.
جاڭا جۇيە اقش, مەكسيكا جانە ۇندىستانداعى Android قولدانباسىندا قولجەتىمدى. ول كەز كەلگەن قۇلاققاپپەن جۇمىس ىستەيدى جانە 70-تەن استام ءتىلدى قولدايدى. بۇل فۋنكتسيا 2026 جىلى iOS پلاتفورماسىنا جانە باسقا ەلدەرگە دە ەنگىزىلەدى.
Translate قىزمەتىنە ەنگىزىلەتىن Gemini-ءدىڭ كەڭەيتىلگەن مۇمكىندىكتەرى ءماتىندى ءدال اۋدارما جاساۋعا كومەكتەسەدى. ولار جارگون, يديوما نەمەسە تۇراقتى ءسوز تىركەستەرىنىڭ اۋدارماسىن جاقسارتادى. بۇل جۇيە اقش پەن ءۇندىستاندا قولجەتىمدى جانە اعىلشىن تىلىنەن يسپان, اراب, قىتاي, جاپون جانە نەمىس سياقتى 20-عا جۋىق تىلگە اۋدارمانى قامتاماسىز ەتەدى. Android, iOS جانە ۆەب-نۇسقادا قولدانۋعا بولادى.
كومپانيا سونىمەن قاتار ءتىل ۇيرەنۋگە ارنالعان قۇرالدارىن گەرمانيا, ءۇندىستان, شۆەتسيا جانە تايۆاندى قوسا العاندا, 20-عا جۋىق جاڭا ەلگە كەڭەيتتى.
سونداي-اق اۋىزەكى سويلەۋ تاجىريبەسىنە نەگىزدەلگەن كەڭەستەر الۋعا مۇمكىندىك بەرەتىن كەرى بايلانىس جۇيەسى ىسكە قوسىلدى. ال Google ءتىل ۇيرەنۋمەن قانشا كۇن اينالىسقانىڭىزدى قاداعالايتىن فۋنكتسيانى ەنگىزدى. بۇل ۇدەرىستى باقىلاۋدى جانە ساباقتاردىڭ تۇراقتىلىعىن ساقتاۋدى جەڭىلدەتەدى.
