قالادا 1000 جاڭا بەينەباقىلاۋ كامەراسى ىسكە قوسىلىپ, بۇعان دەيىن ورناتىلعان تاعى 500-گە جۋىق كامەرا جاساندى ينتەللەكت ەلەمەنتتەرى بار بىرىڭعاي زياتكەرلىك پلاتفورماعا بىرىكتىرىلدى.
– بارلىق بەينەاعىن تاۋلىك بويى ۇزدىكسىز جۇمىس ىستەيتىن قالالىق جاڭا جەدەل باسقارۋ ورتالىعىنا شوعىرلاندىرىلادى, – دەپ جازىلعان حابارلامادا.
جەدەل باسقارۋ ورتالىعى مونيتورينگ پەن ارەكەت ەتۋدىڭ بىرىڭعاي نۇكتەسى رەتىندە قالىپتاستىرىلعان. مۇندا پوليتسيا دەپارتامەنتىنىڭ قىزمەتكەرلەرى مەن اكىمدىكتىڭ كوممۋنالدىق قىزمەتتەرى بىرلەسىپ جۇمىس اتقارادى.
ورتالىق ماماندارى اباتتاندىرۋ, جول ينفراقۇرىلىمى, كوممۋنالدىق جەلىلەر جانە قالالىق شارۋاشىلىقتىڭ وزگە دە باعىتتارى بويىنشا تۇرعىنداردىڭ وتىنىشتەرىن جەدەل قابىلداپ, پىسىقتايدى.
جۇيەگە ازاماتتاردىڭ جەدەل قىزمەتتەرمەن شۇعىل بايلانىسۋىنا ارنالعان ەكى SOS باتىرماسى, بيىك عيماراتتارعا ورناتىلعان ءۇش جوعارى دالدىكتەگى كامەرا, سونداي-اق قۇقىق بۇزۋشىلىقتاردى اۆتوماتتى تۇردە تىركەيتىن سەگىز ءموبيلدى پاترۋل ەنگىزىلگەن. ولاردىڭ ءبىرى جەدەل جاردەم كولىگىنە ورنالاستىرىلعان.
– قوسشى 1,5 مىڭ جاساندى ينتەللەكتى بار كامەرانى بىرىكتىرەتىن بىرەگەي تسيفرلىق پلاتفورما اياسىندا توعىستىرعان العاشقى قالا بولدى. بۇل قوسشى تۇرعىندارى ءۇشىن قۇقىقتىق ءتارتىپ پەن قولايلى ورتانى قامتاماسىز ەتەتىن ورتالىق, – دەدى اقمولا وبلىسىنىڭ اكىمى مارات احمەتجانوۆ.
