ەلىمىزدە تاۋەلسىزدىك كۇنى مەرەكەسىنە بايلانىستى 16 جەلتوقسان, ياعني سەيسەنبى كۇنى حالىققا قىزمەت كورسەتۋ ورتالىقتارى مەن مامانداندىرىلعان حالىققا قىزمەت كورسەتۋ ورتالىقتارى جۇمىس ىستەمەيدى.
قازاقستاندىقتاردىڭ جۇمىس كۇندەرىنىڭ كەستەسى كەلەسىدەي بولادى:
15 جەلتوقسان (دۇيسەنبى) – جۇمىس كۇنى.
16 جەلتوقسان (سەيسەنبى) – دەمالىس, تاۋەلسىزدىك كۇنى.
17-19 جەلتوقسان (سارسەنبى-جۇما) – جۇمىس كۇندەرى.
“جالپى جۇمىس كۇندەرى حقو مەن مامانداندىرىلعان ورتالىقتار دۇيسەنبىدەن جۇماعا دەيىن 09:00–18:00 ارالىعىندا قىزمەت كورسەتەدى. كەزەكشى حالىققا قىزمەت كورسەتۋ ورتالىقتارى جۇمىس كۇندەرى 09:00–20:00-گە دەيىن, سەنبى كۇنى 09:00–13:00-گە دەيىن اشىق”, – دەپ مالىمدەدى “ازاماتتارعا ارنالعان ۇكىمەت” مەملەكەتتىك كورپوراتسياسى.
كەزەكشى مامانداندىرىلعان حقو-لاردا:
وتىنىشتەر جۇمىس كۇندەرى 09:00–18:00 ارالىعىندا قابىلدانادى,
دايىن قۇجاتتار 20:00-گە دەيىن بەرىلەدى,
سەنبى كۇنى وتىنىشتەر 09:00–12:00, ال دايىن قۇجاتتار 13:00-گە دەيىن تاپسىرىلادى.
