بۇگىندە ۇلىتاۋ وبلىسىنا تيەسىلى 208 شاقىرىم جولدى بيىكتەتۋ, جاڭا سۋ وتكىزۋ قۇبىرلارىن ورناتۋ جۇمىستارى تولىق اياقتالعان. قۇرىلىس الاڭىندا 50 شاقىرىمعا اسفالت توسەلگەن.
جۇمىس ساپارى بارىسىندا وبلىس باسشىسى مەردىگەر كومپانيالارمەن جيىن وتكىزىپ, قۇرىلىس ساپاسى مەن جۇمىس مەرزىمىنە قاتىستى ناقتى تاپسىرمالار جۇكتەدى.
اتاپ ايتقاندا, جول قۇرىلىسىندا قولدانىلىپ جاتقان بارلىق تەحنيكانى ۇلىتاۋ وبلىسىندا تىركەتىپ, جىل سوڭىنا دەيىن سالىق تولەۋ مىندەتىن قاتاڭ باقىلاۋعا الۋدى تاپسىردى. سونداي-اق جوبادا شەتەلدىك جۇمىس كۇشىن تارتۋ ماسەلەسىنە توقتالىپ, تەك ناقتى قاجەت, جوعارى بىلىكتى مامانداردى عانا شاقىرۋ قاجەتتىگىن ەسكەرتتى.
«بارلىق ازامات ءۇشىن ەڭبەك جاعدايى تەڭ بولۋى ءتيىس», دەدى اكىم داستان رىسپەكوۆ.
سونىمەن قاتار وبلىس اكىمى «قازاۆتوجول» اق-ىنا ۇلىتاۋ وبلىسىنا كىرەبەرىس جول بويىنا ستەللانى كەلەسى جىلدىڭ ءساۋىر ايىنان كەشىكتىرمەي ورناتۋ جونىندە تاپسىرما بەردى.
ۇلىتاۋ وبلىسى اكىمدىگى جول ينفراقۇرىلىمىن جاڭعىرتۋ ءوڭىردىڭ الەۋمەتتىك-ەكونوميكالىق دامۋى ءۇشىن باسىم باعىتتاردىڭ ءبىرى ەكەنىن اتاپ ءوتتى. جوبانىڭ ساپالى ءارى ۋاقىتىلى ورىندالۋى قاتاڭ باقىلاۋدا بولادى.
ۇلىتاۋ وبلىسى
