قازىرگى ۋاقىتتا پلاستيكالىق وپەراتسيالارعا بىرجولعى زەينەتاقى تولەمدەرىن پايدالانۋ جونىندەگى 6294 ءوتىنىم قارالىپ جاتىر. ولار بەلگىلەنگەن تارتىپپەن وڭدەلەدى.
نەلىكتەن زەينەتاقى قارجىسىن پايدالانۋ توقتاتىلدى؟
ەلىمىزدە ءتىس پەن كوزدى ەمدەۋگە زەينەتاقىنىڭ بەلگىلەنگەن شەكتەن اسقان قارجىسىن پايدالانۋعا تىيىم سالىنعان ەدى. ناتيجەسىندە پلاستيكالىق وتا جاساتقىسى كەلەتىن ازاماتتاردان كەلگەن ءوتىنىش سانى كوبەيگەن, ياعني, ءوتىنىشتىڭ كۇرت وسۋىنە بايلانىستى ەل ازاماتتارى زەينەتاقى جيناقتارىنىڭ ارتىعىن ەندى پلاستيكالىق وتاعا دا جۇمساي المايدى. قىركۇيەكتە ءوتىنىش سانى 123-كە, قازاندا – 1844-كە, ال قاراشادا – 3878-گە دەيىن ءوستى.
جەلتوقساننىڭ العاشقى سەگىز كۇنىندە, وفتالمولوگياعا ءوتىنىم قابىلداۋ توقتاتىلعان كەزدە, قازاقستاندىقتار پلاستيكالىق وپەراتسيالارعا 2093 ءوتىنىم بەرگەن. بۇل – ورتاشا ايلىق دەڭگەيدەن 130 ەسە جوعارى كورسەتكىش. جەلتوقسانداعى وتىنىمدەردىڭ جالپى سوماسى 1,8 ملرد تەڭگەنى قۇرادى.
ء«يا, قازاقستاندىقتار زەينەتاقى قارجىسىن پايدالانا الادى, بىراق تەك بەلگىلى ءبىر ماقساتتارعا عانا. الايدا وسىنىڭ اياسىندا ازاماتتاردىڭ قارجىسى دەلدالدار كومەگىمەن بجزق-دان ءجيى شىعارىلىپ جاتىر. ءدال وسى دەلدالدار حالىق ەسەبىنەن وراسان پايدا تاۋىپ وتىر. وتباسى بانك ءۇشىن ماڭىزدىسى – زەينەتاقى قاراجاتىنىڭ ماقساتتى جۇمسالۋىن قامتاماسىز ەتۋ, ونىڭ زاڭسىز بايۋ قۇرالىنا اينالۋىنا جول بەرمەۋ», دەدى وتباسى بانك باسقارما ءتورايىمى لياززات يبراگيموۆا.
ءتىس ەمدەۋ ءۇشىن زەينەتاقى جيناقتارىن پايدالانۋعا شەكتەۋ قويىلدى
ازاماتتاردىڭ زەينەتاقى قارجىسىن ومىرلىك ماڭىزدى ءارى قىمبات ەم تۇرلەرىنە پايدالانۋ مۇمكىندىگى ساقتالادى:
-
ورفاندىق (سيرەك) اۋرۋلاردى ەمدەۋ;
-
راديونۋكليدتىك جانە راديويودتەراپيا;
-
راديوحيرۋرگيالىق ەمدەۋ;
-
پروتوندىق تەراپيا.
ايتا كەتەيىك, 9 جەلتوقساننان باستاپ ەل تۇرعىندارى پلاستيكالىق وتا جاساۋعا زەينەتاقى جيناقتارىنىڭ ارتىعىن پايدالانا باستاعان ەدى.
