فوتو: olympic.kz
تۋريزم جانە سپورت مينيسترلىگىنىڭ حابارلاۋىنشا, ۇلتتىق قۇراما باپكەرلەر شتابى مەن باس باپكەر پەتر گاميدوۆتىڭ شەشىمىمەن 2026 جىلعى قىسقى وليمپيادادا ەل نامىسىن قورعاۋعا دەنيس نيكيشا, ابزال اجىعاليەۆ, ولگا تيحونوۆا جانە يانا حان قاتىسادى.
ليتسەنزيالاردىڭ ءبولىنىسى كەلەسىدەي:
- 2000 م (ميكست) – 1 ليتسەنزيا
ەرلەر:
- 500 م – 2 ليتسەنزيا
- 1000 م – 1 ليتسەنزيا
ايەلدەر:
- 500 م – 2 ليتسەنزيا
- 1000 م – 1 ليتسەنزيا
- 1500 م – 2 ليتسەنزيا
سونىمەن قاتار, مانەرلەپ سىرعاناۋشىلار ميحايل شايدوروۆ پەن سوفيا سامودەلكينا الەم چەمپيوناتىندا وليمپيادالىق ءنورماتيۆتى ورىنداپ, ەكى ليتسەنزيانى جەڭىپ العان بولاتىن. وسىلايشا, قازاقستان قۇراماسىنىڭ وليمپياداعا قاتىساتىن سپورتشىلارىنىڭ سانى 6 ادامعا جەتىپ, ەل قورجىنىنا بارلىعى 11 ليتسەنزيا ءتۇستى.
ايتا كەتەيىك, وليمپيادا جولدامالارىنىڭ ناقتى سانى 2026 جىلعى قاڭتار ايىنىڭ سوڭىندا انىقتالادى. XXV قىسقى وليمپيادا 2026 جىلعى 6-22 اقپان ارالىعىندا ميلان جانە كورتينا-د’امپەتستسو قالالارىندا وتەدى. بايگەگە 93 ەلدەن 3 500-دەن استام سپورتشى قاتىسادى.
