فوتو: gov.kz
ول بيىل اۆتوموبيل جولدارى بويىنشا 13 مىڭ شاقىرىم جول قۇرىلىس جانە جوندەۋ جۇمىستارىمەن قامتىلعانىن اتاپ ءوتتى. رەسپۋبليكالىق جولداردىڭ 93%-ى نورماتيۆتىك-تەحنيكالىق جاعدايعا ساي. ىشكى شەكاراداعى وتكىزۋ پۋنكتتەرىن جاڭعىرتۋ جۇمىستارى جۇرگىزىلىپ جاتىر. 2027 جىلدىڭ سوڭىنا دەيىن 37 وتكىزۋ پۋنكتىن اياقتاۋ جوسپارلانىپ وتىر.
«اۆتوجولداردىڭ تيىمدىلىگىن ارتتىرۋدىڭ نەگىزگى فاكتورى – تسيفرلىق شەشىمدەر. مەملەكەت باسشىسىنىڭ تاپسىرماسى بويىنشا e-Joldar شەڭبەرىندە جولداردىڭ تسيفرلىق تولقۇجاتتارى قالىپتاستىرىلادى. بۇل بولاشاقتا پيلوتسىز اۆتوكولىكتەردى ەنگىزۋگە مۇمكىندىك بەرەدى», دەپ اتاپ ءوتتى نۇرلان ساۋرانباەۆ.مينيستر جىل سايىن جاساندى ينتەللەكت تەحنولوگيالارىن قولدانا وتىرىپ جول دياگنوستيكاسى جۇرگىزىلىپ جاتقانىن ايتتى. جول توسەمىن ساقتاۋ ءۇشىن 220-عا دەيىن اۆتوماتتاندىرىلعان ولشەۋ ستانسالارىن ورناتۋ جۇمىستارى جالعاسىپ كەلەدى.
بيۋدجەتكە تۇسەتىن سالماقتى ازايتۋ ماقساتىندا رەسپۋبليكالىق ماڭىزى بار جولداردا اقىلى ۋچاسكەلەر كەزەڭ-كەزەڭىمەن ەنگىزىلەدى. بۇگىندە اقىلى جولداردا ەنگىزىلگەن KazToll جۇيەسى ارقىلى 79 ملرد تەڭگە جينالدى.
