فوتو: «قازاقستان تەمىر جولى» اق ۇق ءباسپاسوز قىزمەتى
«جاڭا جىل ماۋسىمىندا جولاۋشىلار اعىنى ايتارلىقتاي وسەتىنىن ەسكەرە وتىرىپ, ۇلتتىق تاسىمالداۋشى سۇرانىستى تولىق قاناعاتتاندىرۋ ماقساتىندا قوسىمشا پويىزداردى ىسكە قوسادى», دەپ جازىلعان حابارلامادا.
قوسىمشا پويىزدار كەلەسى باعىتتاردا قاتىنايدى:
• №201/202 «الماتى-2 – استانا-1»
الماتىدان جونەلتىلۋى: 2025 جىلعى 20, 22, 24, 26, 28, 30 جەلتوقسان جانە 2026 جىلعى 2, 4 قاڭتار.
استانادان جونەلتىلۋى: 2025 جىلعى 21, 23, 25, 27, 29, 31 جەلتوقسان جانە 2026 جىلعى 3, 5 قاڭتار.
• №203/204 «استانا نۇرلى جول – شىمكەنت»
استانادان جونەلتىلۋى: 2025 جىلعى 20, 23, 26, 29 جەلتوقسان جانە 2026 جىلعى 2 قاڭتار.
شىمكەنتتەن جونەلتىلۋى: 2025 جىلعى 22, 25, 28, 30 جەلتوقسان جانە 2026 جىلعى 4 قاڭتار.
• №257/258 «اقتوبە – استانا نۇرلى جول»
اقتوبەدەن جونەلتىلۋى: 2025 جىلعى 20, 23, 26, 29 جەلتوقسان جانە 2026 جىلعى 2 قاڭتار.
استانادان جونەلتىلۋى: 2025 جىلعى 22, 24, 28, 30 جەلتوقسان جانە 2026 جىلعى 4 قاڭتار.
پويىز قۇرامىندا ستاندارتتى كۋپە جانە پلاتسكارت ۆاگوندارى بار. سونىمەن قاتار, سۇرانىسى جوعارى باعىتتاردا پويىز قۇرامدارىنا 584 قوسىمشا ۆاگون تىركەلەدى. وسى ارقىلى جولاۋشىلارعا 30 مىڭنان استام قوسىمشا ورىن قولجەتىمدى بولادى.
بيلەتتەردى bilet.railways.kz رەسمي سايتىنان ساتىپ الۋعا بولادى. ۇلتتىق تاسىمالداۋشى جولاۋشىلارعا جاڭا جىل قارساڭىنداعى بيلەتتەردىڭ تەز ساتىلىپ كەتەتىنىن ەسكەرىپ, ساپارلارىن الدىن الا جوسپارلاپ, بيلەتتەردى ەرتەرەك الۋعا كەڭەس بەرەدى.
ەگەر ساتىپ الۋ ساتىندە بوس ورىندار بولماسا, جولاۋشىلار «كۇتۋ پاراعى» قىزمەتىن تەگىن پايدالانا الادى. بۇل سەرۆيس ورىن بوساعان جاعدايدا اۆتوماتتى تۇردە حابارلاپ, بيلەتتى راسىمدەۋگە مۇمكىندىك بەرەدى. حابارلاما جولاۋشىنىڭ جەكە كابينەتى نەمەسە SMS ارقىلى جىبەرىلەدى. قىزمەت سايتتا جانە بيلەت كاسسالارىندا پويىز جونەلتىلۋىنە 7 كۇن قالعاندا قولجەتىمدى بولادى. بيلەتتى 2 ساعاتتان كەش ەمەس ۋاقىتتا راسىمدەۋ كەرەك.
