فوتو: تجم
توتەنشە جاعدايلار مينيسترلىگىنىڭ مالىمەتىنشە, جول قوزعالىسىنا شەكتەۋلەرگە بايلانىستى بەلقوپا اۋىلىنا قاراي جاياۋ كەلە جاتقان 15 ادام جانە شىمكەنتتەن ماسكەۋگە بارا جاتقان اۆتوبۋستىڭ 38 جولاۋشىسى قاۋىپسىز جەرگە كوشىرىلىپ, تاياۋ ماڭايداعى اۋىلدىڭ جىلىنۋ ورتالىقتارىنا جەتكىزىلدى.
«ەۆاكۋاتسيالانعاندارعا, ونىڭ ىشىندە 11 وزبەكستان رەسپۋبليكاسىنىڭ ازاماتتارىنا مەديتسينالىق كومەك قاجەت ەمەس», دەلىنگەن حابارلامادا.
تجم ادامدارعا الىسقا ساپار شەككەندە اۋا رايى جاعدايلارىن ەسكەرۋدى جانە توتەنشە جاعدايلار قىزمەتىنىڭ ۇسىنىستارىن ورىنداۋ قاجەتتىگىن ەسكە سالادى.
