«بۇگىندە وڭىردە ورماننىڭ سانيتارلىق جاي-كۇيىن جاقسارتۋ جۇمىستارى ءجۇرىپ جاتىر. اتالعان ءىس-شارا اياسىندا ورمان شارۋاشىلىعى كوميتەتى رۇقسات بەرگەن اۋماقتارداعى اعاشتار عانا كەسىلەدى. بىراق جاڭا جىلعا ارنايى اعاش كەسۋگە تىيىم سالىنعان. ال قوستانايدا ءار جەردە ساتىلا باستاعان جاسىل شىرشانىڭ ءبارى رەسەيدەن اكەلىنگەن. ولاردىڭ ءبارىنىڭ زاڭدى قۇجاتى بولۋى كەرەك. ونىڭ سىرتىندا, كورشى ەلدەن شىرشا اكەپ ساتىپ جاتقان كاسىپكەرلەر مۇندا كەلگەن سوڭ قازاقستاننىڭ كارانتيندىك قاعازىن الۋى كەرەك. سىرتتان كىرىپ جاتقان اعاشتاردىڭ زاڭ تالاپتارىنا ساي بولۋىن وبلىستىق پد تابيعات قورعاۋ ءبولىمى, تاعى باسقا دا مۇدەللى ورىنداردىڭ ماماندارى قاداعالايدى. ءبىز وبلىستاعى ورمان شارۋاشىلىقتارىمەن بىرلەسىپ رەيدتىك جۇمىستار جۇرگىزەمىز. ورمانعا جاقىن جەرلەردە, جول بويىندا ارنايى بەكەتتەر جۇمىس ىستەيدى», دەيدى وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى باسشىسىنىڭ ورىنباسارى تالعات بەرمانوۆ.
قىلقان جاپىراقتى اعاشتاردى زاڭسىز كەسكەن نەمەسە قۇجاتسىز تاسىعان ازاماتتارعا زاڭدا 1 مەتر اعاشقا 15 اەك كولەمىندە ايىپپۇل بەلگىلەنگەن.
قوستاناي وبلىسى
