جەرگىلىكتى اكىمدىكتەر مەن تۇرعىندار اراسىندا وتكىزىلگەن كەزدەسۋلەردەن بايقاعانىمىز, بەيىندى ورتا تەحنيكالىق ءبىلىمى بولسا دا, كەي ۇمىتكەرلەردە وندىرىستىك داعدى جەتىسپەيدى. مامانداردىڭ سوزىنشە, وسى ولقىلىق اقتوعاي كەن ورنىندا جۇمىسقا ورنالاسۋعا ەلەۋلى كەدەرگىگە كەلتىرىپ وتىر. سونىڭ سالدارىنان جەرگىلىكتى ازاماتتار وزگە وڭىرلەردەن كەلەتىن تاجىريبەلى ماماندارمەن باسەكەگە تۇسە المايدى.
وسىعان وراي, اباي وبلىسىنىڭ ءبىلىم باسقارماسىنىڭ ەلەكتروتەحنيكالىق كوللەدجى جانە KAZ Minerals كومپانياسىنىڭ قولداۋىمەن جەرگىلىكتى تۇرعىنداردى وقىتۋعا جانە جۇمىسقا ورنالاستىرۋعا باعىتتالعان «قايتا دايارلاۋ» پيلوتتىق جوباسى ىسكە قوسىلدى. ەڭبەك نارىعىندا سۇرانىسقا يە جۇمىسشى ماماندار ءۇش ايلىق كۋرستان وتكەن 13 ادام ىرىكتەلگەن. وندا سلەسار-جوندەۋشى, اۆتوماتيكا سلەسارى, ەلەكترگازبەن دانەكەرلەۋشى, جانە جوندەۋ ەلەكتروسلەسار بار.
«جوبانىڭ سەرىكتەسى اباي وبلىسى ءبىلىم باسقارماسىنىڭ ەلەكتروتەحنيكالىق كوللەدجى قاجەتتى وقۋ بازاسىن, وندىرىستىك جەتەكشىلەردى قامتاماسىز ەتىپ, تىڭداۋشىلارعا تاماقتانۋ مەن جاتىن ورىندى ۇيىمداستىردى. ال قالعان شىعىندارد, سونىڭ ىشىندە ستيپەنديا شىعىندارىن كومپانيا دەمۋشىلىك جاساپ وتىر», دەيدى ۇيىمداستىرۋشىلار.
وقىتۋ باعدارلاماسى وندىرىستەگى ناقتى جاعدايلارعا بەيىمدەلگەن. ماسەلەن, تەوريالىق ساباقتار پراكتيكالىق دايىندىقپەن ۇشتاستىرىلادى. كۋرستى اياقتاعان تىڭداۋشىلار كاسىپتىك دايارلىق تۋرالى سەرتيفيكات الىپ, اقتوعاي كەن ورنىندا ءبىر جىلدىق تاعىلىمدامادان وتۋگە شاقىرىلدى.
«وقۋ جاقسى ءوتتى. جەتەكشىلەر ءبارىن جاقسى ءتۇسىندىردى. جاتاقحانامىز دا جايلى بولدى. بۇل باعدارلاماعا قاتىسقانىما قۋانىشتىمىن. جۇمىستاعىلاردىڭ ءبارى جاقسى قارسى الادى, قولداپ, قاجەت كەزدە كەڭەس بەرىپ تۇرادى. كۇن سايىن جاڭا داعدىلاردى ۇيرەنىپ, مول تاجىريبە جينادىق. اۋىلداستارىما مۇنداي مۇمكىندىكتى جىبەرىپ الماۋعا كەڭەس بەرەمىن», دەيدى ءبوا ءجانا اۆتوماتيكا جونىندەگى سلەسار سايات قاليەۆ.
قايتا دايارلاۋدى ون ءۇش ادامنىڭ توعىزى ءساتتى اياقتادى. قازىر ولاردىڭ جەتەۋى كومپانياعا جۇمىسقا تۇرعان. تاعى ەكى تىڭداۋشى ءوز ماماندىعى بويىنشا بوس ورىننىڭ اشىلۋىن كۇتىپ, تاعىلىمداماسىن جالعاستىرىپ ءجۇر.
«مەن دانەكەرلەۋدى ۇيرەنىپ شىقتىم. قازىر ءوز كاسىبيلىگىمە سەنىمدىمىن. جەتەكشىلەر ءبارىن جاقسى ءتۇسىندىرىپ, تاجىريبەلەرىمەن ءبولىستى. مەنىڭ ماقساتىم – زەينەتكە شىققانشا وسى جەردە ادال جۇمىس ىستەۋ», دەيدى ەلەكترگازبەن دانەكەرلەۋشى جاسۇلان تۇراروۆ.
جەرگىلىكتى تۇرعىندارمەن ءوزارا ءىس-قيمىل جونىندەگى مەنەدجەر دينارا شانگەرەەۆا ايتۋىنشا, باعدارلاماعا قاتىسۋشىلاردىڭ قىزىعۋشىلىعى جوعارى.
«اقپاراتتى Telegram-ارنا, WhatsApp-توپتار ارقىلى تاراتتىق, كەڭسەدەگى كۇندەلىكتى قابىلداۋلاردا دا ايتىپ جۇردىك. بۇدان كەيىن تۇرعىندار ءوزى-اق ءبىر-بىرىنە جەتكىزە باستادى. ەڭ باستىسى – قازىر ولار كاسىبي بىلىكتىلىگىن ارتتىرىپ, باسەكەگە قابىلەتتى بولىپ شىعىپ وتىر», دەيدى ول.
ونىڭ ايتۋىنشا, العاشقى ناتيجە قىسقا مەرزىمدى كاسىپتىك دايارلىقتىڭ وزەكتى ەكەنىن كورسەتتى. اقتوعاي مەن قوپا تۇرعىندارىنىڭ قايتا دايارلاۋعا نيەت بىلدىرۋشىلەردىڭ سانى ارتىپ كەلەدى.
قىزمەتكەرلەرمەن جۇمىس جونىندەگى باسقارما باستىعى الماس دانىبەكتىڭ ايتۋىنشا, باستاما ءوڭىر تۇرعىندارى ءۇشىن جاڭا مانساپتىق مۇمكىندىكتەردى ىسكە قوسىپ قانا قويماي, ناقتى كادرلىق قاجەتتىلىكتەردى وتەۋگە مۇمكىندىك بەردى: «ناتيجەلەر بۇل فورماتتىڭ بولاشاعى بار ەكەنىن كورسەتتى. اسىرەسە ادامنىڭ بازالىق ءبىلىمى بار بولسا. بۇل باعدارلاما ايماق ىشىندەگى مانساپتىق مۇمكىندىكتەردى قۇرۋداعى ماڭىزدى قادام بولدى.
بولاشاق دايىندىق باعىتتارىنا كەلەتىن بولساق, قىزمەتكەر اينالىمى جوعارى جانە دايىن قىسقا وقۋ باعدارلامالارى بار ماماندىقتارعا باسىمدىق بەرىلەدى. ءبىز وندىرىستىك سۇرانىستارعا, اينالىم دەرەكتەرىنە جانە تۇرعىندار اراسىنداعى قىزىعۋشىلىققا نازار اۋدارامىز. بۇل ستاتيكالىق باعدارلاما ەمەس – ول ناقتى تاپسىرمالارعا بەيىمدەلەتىن يكەمدى قۇرال بولىپ قالۋى كەرەك».
قىزمەتكەرلەرمەن جۇمىس جونىندەگى جاۋاپتى مامان الماس دانىبەكتىڭ ايتۋىنشا, باستاما ءوڭىر تۇرعىندارى ءۇشىن جاڭا مانساپتىق مۇمكىندىكتەر اشىپ قانا قويماي, ناقتى كادرلىق قاجەتتىلىكتەردى وتەۋگە دە مۇمكىندىك بەردى.
«ناتيجەلەر كورسەتكەندەي, بۇل فورماتتىڭ بولاشاعى زور. اسىرەسە قازىر بازالىق ءبىلىمى بار ماماندار قاجەت وندىرىسكە. بولاشاقتا قىسقا وقۋ باعدارلامالارى بار ماماندىقتارعا باعىتتالماق. ءبىز وندىرىستىك سۇرانىستارعا, كادرلىق دەرەكتەرگە جانە تۇرعىنداردىڭ قىزىعۋشىلىعىنا نازار اۋدارامىز. بۇل ستاتيكالىق باعدارلاما ەمەس – ول ناقتى تاپسىرمالارعا بەيىمدەلەتىن يكەمدى قۇرال بولىپ قالۋى ءتيىس», دەدى ول.
اباي وبلىسى
