ءتيىستى قاۋلىعا قالانىڭ باس مەملەكەتتىك سانيتار دارىگەرى ايگۇل شاگالتاەۆا قول قويدى. سانيتارلىق قىزمەت دەرەگىنشە, ناۋقاستاردىڭ شامامەن 25%-ى – وقۋشىلار, بارلىعى 3 430 جاعداي تىركەلگەن. زەرتحانالىق تالداۋلاردىڭ باسىم بولىگىندە تۇماۋدىڭ A(H3N2) ۆيرۋسى («گونكونگتىق» شتامم) انىقتالعان. ول 14 جاسقا دەيىنگى بالالاردا 23% جاعدايدا كەزدەسىپ وتىر.
نەگىزگى شارالاردىڭ ءبىرى — مەكتەپتەر مەن بالاباقشالاردا «تاڭعى سۇزگى» ەنگىزۋ. وقۋ باستالار الدىندا وقۋشىلاردىڭ, تاربيەلەنۋشىلەردىڭ جانە پەداگوگتەردىڭ دەنساۋلىعى كۇن سايىن تەكسەرىلەدى. جرۆي نەمەسە تۇماۋ بەلگىلەرى بار بالالار مەن قىزمەتكەرلەر ساباققا جىبەرىلمەيدى.
ەگەر ءبىر سىنىپتاعى جرۆي كورسەتكىشى وقۋشىلار سانىنىڭ 30% جانە ودان جوعارى دەڭگەيىنە جەتسە, ەپيدەميولوگيالىق جاعداي تۇراقتانعانعا دەيىن سىنىپتار قاشىقتان وقىتۋ فورماتىنا كوشىرىلەدى.
ال سىنىپتاعى 20-30% وقۋشى ينكۋباتسيالىق كەزەڭ ىشىندە سىرقاتتانسا:
- كابينەت جۇيەسى ۋاقىتشا توقتاتىلادى;
- جاڭا وقۋشىلاردى قابىلداۋعا 10 كۇنگە تىيىم سالىنادى.
سونىمەن بىرگە ءبىلىم بەرۋ ۇيىمدارىنا:
- بولمەلەردەگى تەمپەراتۋرانى +18…+22°س دەڭگەيىندە ساقتاۋ;
- ىلعالدى تازارتۋ مەن جەلدەتۋدى كۇشەيتۋ;
- ءۇزىلىس ۋاقىتىن ۇزارتۋ;
- سانيتارلىق توراپتاردى قاجەتتى گيگيەنالىق قۇرالدارمەن قامتاماسىز ەتۋ;
- بۇقارالىق ءىس-شارالاردى شەكتەۋ تاپسىرىلدى.
بيلىك وقۋشىلارمەن تۇماۋ مەن جرۆي-ءدىڭ الدىن الۋ جونىندە ءتۇسىندىرۋ جۇمىستارىن جۇرگىزۋدى, سونداي-اق مەكتەپ مەدپۋنكتتەرىن قاجەتتى قۇرال-جابدىقتارمەن جانە پرەپاراتتارمەن قامتاماسىز ەتۋدى ۇسىندى.
