— پرەزيدەنتتەر ەكىجاقتى ىقپالداستىق قارقىندى تۇردە دامىپ كەلە جاتقانىن اتاپ ءوتتى. سونىمەن قاتار جوعارى دەڭگەيدە, سونىڭ ىشىندە قاسىم-جومارت توقاەۆتىڭ بيىل 21-22 تامىزدا قىرعىزستانعا جاساعان رەسمي ساپارى اياسىندا قول جەتكىزىلگەن ۋاعدالاستىقتاردى جۇزەگە اسىرۋ بارىسىن تالقىلادى. اڭگىمەلەسۋ بارىسىندا قاسىم-جومارت توقاەۆ سادىر جاپاروۆتى تۋعان كۇنىمەن قۇتتىقتاپ, باۋىرلاس قىرعىز حالقىنىڭ يگىلىگى جولىندا اتقارىپ جاتقان مەملەكەتتىك قىزمەتىنە تابىس تىلەدى. مەملەكەت باسشىسى قىرعىزستان پرەزيدەنتىنىڭ ەكى ەلدىڭ دوستىق, تاتۋ كورشىلىك جانە ءوزارا قولداۋ رۋحىنداعى سان قىرلى ىنتىماقتاستىعىن كەڭەيتۋگە قوسقان ەلەۋلى ۇلەسىن جوعارى باعالايتىنىن جەتكىزدى, — دەلىنگەن حابارلامادا.
