— قاسىم-جومارت توقاەۆ پرەزيدەنت الەكساندر ستۋببقا فينليانديانىڭ تاۋەلسىزدىك كۇنىنە وراي قۇتتىقتاۋ جەدەلحاتىن جولدادى. پرەزيدەنت حاتتا سۋومي ۇدايى ەكونوميكالىق ورلەۋ, الەۋمەتتىك ادىلدىك جانە ەكولوگيالىق ورنىقتىلىقتى ءتيىمدى ۇشتاستىرىپ كەلە جاتقان ەل ەكەنىن اتاپ وتكەن. سونداي-اق فينليانديا پرەزيدەنتىنىڭ تاياۋدا استاناعا جاساعان ساپارى ەكىجاقتى قارىم-قاتىناسقا تىڭ سەرپىن بەرىپ, ەلدەرىمىز اراسىنداعى ىنتىماقتاستىقتى نىعايتۋدا ناقتى ناتيجەلەرگە جەتۋگە مۇمكىندىك بەرگەنىنە توقتالعان. قاسىم-جومارت توقاەۆ الەكساندر ستۋببتىڭ جاۋاپتى مەملەكەتتىك قىزمەتىنە تولاعاي تابىس, ال دوستاس فين حالقىنا باق-بەرەكە تىلەدى, — دەلىنگەن حابارلامادا.
