فوتو: اقوردا
«سوڭعى جىلدارى باسەكەلەستىكتەگى ارتىقشىلىقتارىمىزدى تولىق اشۋعا, ەكونوميكالىق ءوسىمنىڭ تىڭ مۇمكىندىكتەرىن تابۋعا, ينۆەستيتسيا تارتۋعا جانە كاسىپكەرلىك باستامالاردى ىنتالاندىرۋعا باعىت الدىق. ۇكىمەتتىڭ الدىندا ساپالى ەكونوميكالىق ءوسىمدى قامتاماسىز ەتۋ مىندەتى تۇر.
جولداۋدا ينفلياتسيانىڭ شارىقتاۋىنا جول بەرۋگە بولمايتىنىن ايتتىم. ويتكەنى ينفلياتسيا ازاماتتاردىڭ ءال-اۋقاتىن ارتتىرۋعا باعىتتالعان بارلىق شەشىم مەن ارەكەتتى جوققا شىعارادى. بۇل ورايدا وتە قاتاڭ بيۋدجەت ءتارتىبىن ورناتپاسا بولمايدى. قارجى تەك ىشكى جالپى ءونىمنىڭ وسۋىنە, قازاقستاننىڭ الەمدىك ارەنادا لايىقتى ورنىن الۋىنا ىقپال ەتەتىن باسىم جوبالار مەن باعدارلامالارعا عانا جۇمسالۋعا ءتيىس», دەدى پرەزيدەنت.
مەملەكەت باسشىسىنىڭ ايتۋىنشا, اۋىل شارۋاشىلىعى ونىمدەرىمەن, حالىق كۇندەلىكتى تۇتىناتىن تاۋارلارمەن قامتاماسىز ەتۋ ماسەلەسى تولىق شەشىلمەي كەلەدى. يمپورت وتە كوپ.
«ول كوزگە انىق كورىنىپ تۇر. بىرقاتار تاۋار نومەنكلاتۋراسى بويىنشا سىرتتان كەلەتىن ونىمگە تىم تاۋەلدىمىز. قازاقستاندا بۇعان جول بەرۋگە بولمايدى. ونىڭ ۇستىنە بيىل مەملەكەت تاراپىنان اۋىل شارۋاشىلىعىنا 1 تريلليون تەڭگە قولداۋ جاسالدى. بۇل – رەكوردتىق كورسەتكىش. ال ەلىمىز شىعاراتىن ءونىم كولەمى 2024 جىلدىڭ قورىتىندىسى بويىنشا 8,5 تريلليون تەڭگەگە باعالاندى», دەدى قاسىم-جومارت توقاەۆ.
