فوتو: Gov.kz
قازىر ەgovBusiness پلاتفورماسى جۇمىس ىستەپ تۇر. سونىڭ ارقاسىندا مەملەكەت تاراپىنان كورسەتىلەتىن قىزمەتتەر قولجەتىمدى بولا تۇسكەن.
«كاسىپكەرلەردىڭ جۇمىسى جەڭىلدەپ, قاعازباستىلىق ازايدى. بيىلدىڭ وزىندە وسى قوسىمشا ارقىلى 4,6 ميلليوننان استام قىزمەت كورسەتىلدى. ەندى پلاتفورمانى بيزنەستىڭ تسيفرلىق كارتاسىمەن ءوزارا بايلانىستىرۋ جۇمىسىن اياقتاۋ قاجەت.
سونىمەن بىرگە وسى پلاتفورماعا جەرگىلىكتى اتقارۋشى ورگاندار كورسەتەتىن قىزمەت تۇرلەرىن قوسۋ كەرەك. بۇل شارالار كاسىپكەرلەردىڭ ءبىرتۇتاس پلاتفورما ارقىلى ءارتۇرلى قىزمەت الۋىنا مۇمكىندىك بەرەدى. سونداي-اق پلاتفورمادا جاساندى ينتەللەكت كومەگىمەن بيزنەس جۇرگىزۋگە قاتىستى تولىققاندى كەڭەس الۋعا بولادى», دەيدى پرەزيدەنت.
مەملەكەت باسشىسىنىڭ ايتۋىنشا, مۇنداي قادام اكىمشىلىك كەدەرگىلەردى ازايتىپ, مەملەكەتتىك قولداۋ شارالارىنىڭ اشىق ءارى ءتيىمدى بولۋىنا ىقپال ەتەدى.
