فوتو: اشىق دەرەككوز
قازاقستاندا 6000 «كۇمىس» ۆولونتەر بار. باستاماشىل توپتاردىڭ سانى 3 جارىم مىڭنان استى. 20 وڭىردە فرونت-وفيس ورنالاسقان. قازىرگى ۋاقىتتا Qaz.volunteer.kz پلاتفورماسى جۇمىس ىستەيدى. سول ارقىلى وسى جىلى 2800-دەن استام ءوتىنىش قارالدى.
سونداي-اق ۆولونتەرلەردىڭ ءبىلىمى مەن دامۋىنا دا ەرەكشە كوڭىل بولىنەدى. جازعى ەرىكتىلەر مەكتەبىن 5 جىلدا 188 تۇلەك ءبىتىردى. ۇلتتىق ۆولونتەرلىك جاتتىقتىرۋشى رەتىندە 133 ادام جۇمىس اتقارادى.
مەملەكەت باسشىسىنىڭ باستاماسىمەن تمد ۆولونتەرلەرى فورۋمى قۇرىلدى. ءبىرىنشى فورۋم 2026 جىلى استانادا وتەدى. سونىمەن قاتار بۇۇ تۇراقتى ماقساتتارىنداعى حالىقارالىق ۆولونتەرلەر جىلىن وتكىزۋ ءۇشىن ۇلتتىق ۇيىمداستىرۋ كوميتەتى قۇرىلدى.
