«ادال ازامات» ءبىرتۇتاس تاربيە باعدارلاماسى اياسىندا اشىلعان بۇل كەشەن بولاشاق جاستاردىڭ بويىنا ۇلتتىق قۇندىلىقتاردى قالىپتاستىرۋدى كوزدەيدى.
«ەتنو اۋىل» – حالقىمىزدىڭ باي ءداستۇرىن دارىپتەيتىن, جاس ۇرپاقتىڭ رۋحاني-ادامگەرشىلىك تاربيەسىن نىعايتاتىن مادەني ورتا. بۇل كەشەن كونە عۇرىپتارىمىز بەن بۇيىمدارىمىزدى, بابالارىمىزدىڭ تۇرمىستا قولدانعان زاتتارىن قايتا جاڭعىرتۋ ماقساتىندا اشىلعان.
كەشەننىڭ اشىلۋ سالتاناتىنا وبلىس اكىمدىگى ءبىلىم باسقارماسىنىڭ باسشىسى نۇربەك ورشىبەكوۆ, بايزاق اۋدانى اكىمىنىڭ ورىنباسارى رۇستەم قاسىموۆ جانە اۋىل تۇرعىندارى مەن مەكتەپ ۇجىمى قاتىستى. العاشقى بولىپ سويلەگەن ءبىلىم باسقارماسىنىڭ باسشىسى نۇربەك ورشىبەكوۆ قازاقى داستۇرلەردىڭ قايتا جاڭعىرۋ ۇردىسىنە توقتالىپ, مۇنداي كەشەندەردىڭ سانىن كوبەيتۋ كەرەكتىگىن ايتىپ ءوتتى.
– وبلىسىمىزدا «ادال ازامات» ءبىرتۇتاس تاربيە باعدارلاماسى اياسىندا اۋقىمدى شارالار اتقارىلىپ جاتىر. سونىڭ بىردەن ءبىر دالەلى وسى «ەTNO – AUYL» كەشەنى. بۇل كەشەن بولاشاق ەل ازاماتتارىن ۇلتجاندىلىققا, وتانعا دەگەن ادالدىققا تاربيەلەۋگە ءوز ۇلەسىن قوسادى دەپ سەنەمىن. ءار ءىس-شارانىڭ ارتىندا ۇلكەن ەڭبەك جاتقانى ءسوزسىز. سول سەبەپتى «جۇمىلا كوتەرگەن جۇك جەڭىل» دەپ, وسى كەشەندى اشۋ جولىندا ايانباي ەڭبەك ەتكەن اۋىل ازاماتتارىنا ءوز العىسىمدى بىلدىرەمىن. سىزدەردىڭ ادال اتقارعان ىستەرىڭىزدى كورگەن بۇگىنگى وقۋشىلار ەرتەڭگى كۇنى مۇنداي ورىنداردىڭ كوركەيۋ قارىنىنا ۇلەس قوسارى بەلگىلى,– دەدى نۇربەك ابۋبەك ۇلى.
ءارى قاراي كەشەننىڭ لەنتاسى قيىلىپ, مەكتەپ ۇجىمى رەكۆيزيتتەردى تولىق تانىستىرىپ ءوتتى. سونىمەن قاتار قازاق ءتىلى مەن ادەبيەتى ءپانىنىڭ مۇعالىمى قارلىعاش قادىرقىزى مەن شاكىرتى اقنيەت احمات «قۇندىلىقتار» كورمەسىنە ساياحات جاسادى. «ونەگەلى اجەلەر» توبى «اۋىلىم» ءانىن شىرقاپ, قاريالار ءان ىرعاعىنا قوسىلا بيلەپ, شارانى كوتەرىڭكى كوڭىل-كۇيدە وتكىزدى.
مۇنان سوڭ مەكتەپ وقۋشىلارىنان قۇرالعان دومبىراشىلار توبى «ەرتۇران» كۇيىن ورىنداپ, بالۋاندار بەل الىسىپ, وبلىس جەڭىمپازى بولىپ جۇرگەن وقۋشىلار اسىق اتۋ ويىنىن كورسەتىپ, ارقان تارتۋ, التىباقان سەكىلدى قازاقى ويىندار دا كورىنىس تاپتى.
