فوتو: Depositphotos.com
تاريحي بەينەروليك جاساۋ تۋرالى كەلىسىمشارتتى جاساۋ جونىندەگى رەسمي جاۋاپ جاريالاندى.
«وبلىس اكىمى نۇرالحان كوشەروۆ اتالعان شارتتىڭ جاسالعان جاعدايلارىن جان-جاقتى تەكسەرۋدى, سونىڭ ىشىندە قاجەتتى راسىمدەردىڭ ساقتالۋىن جانە بيۋدجەت قاراجاتىنىڭ ماقساتتى پايدالانىلۋىن قامتاماسىز ەتۋدى تاپسىردى», دەپ مالىمدەدى وبلىس اكىمدىگى.
Kazinform اگەنتتىگىنىڭ حابارلاۋىنشا, رەزونانسقا گككپ « ۇلى دالا ەلى ورتالىعى» مەن «G7 Exclusive» جشس اراسىندا ۇزاقتىعى جەتى مينۋت بولاتىن تاريحي بەينەروليكتى جاساۋعا ارنالعان كەلىسىمشارت تۋرالى الەۋمەتتىك جەلىدەگى جازبا سەبەپ بولعان.
مادەنيەت باسقارماسى تۇسىندىرگەندەي, بۇل ورتالىقتىڭ اقپاراتتىق جۇيەلەرىن مودەراتسيالاۋ جانە كونتەنتپەن تولىقتىرۋ قىزمەتتەرىن ساتىپ الۋ تۋرالى كەلىسىم بولعان. بەينەروليك قازاقستان تاريحىن ەجەلگى پەتروگليفتەر, «اڭ ءستيلى», شىعىس مينياتيۋرالارى, ۇلتتىق ويۋ-ورنەكتەر, كەسكىندەمە, گرافيكا جانە وزگە دە ونەر باعىتتارى ارقىلى كورسەتۋى ءتيىس.
بەينەماتەريالدى ارنايى گولوگرافيالىق شوۋ-زالدا كورسەتۋ جوسپارلانعان. روليكتىڭ ۇزاقتىعى 7 مينۋتقا دەيىن.
تۇركىستان وبلىسىنىڭ مەملەكەتتىك ساتىپ الۋلار باسقارماسى جوبانىڭ ءۇش رەت اشىق كونكۋرسقا قويىلعانىن, الايدا ءار جولى كونكۋرستىڭ وتپەي قالعانىن اتاپ ءوتتى. سول سەبەپتى «مەملەكەتتىك ساتىپ الۋ تۋرالى» زاڭنىڭ 16-بابى 3-تارماعى نەگىزىندە ءبىر كوزدەن الۋ ارقىلى كەلىسىمشارت جاسالعان.
28 قاراشادا قول قويىلعان قۇجاتقا سايكەس, كەلىسىمشارتتىڭ قۇنى – 100 800 000 تەڭگە (ققس-پەن). ورىنداۋ مەرزىمى – 2025 جىلدىڭ سوڭىنا دەيىن.
