فوتو: «ورداباسى» فۋتبول كلۋبى
ۆەدومستۆونىڭ مالىمەتىنشە باحتيار بايسەيىتوۆتىڭ تۇركيادا تۇرىپ جاتقانى بەلگىلى بولعان. 2025 جىلدىڭ 21 اقپانىندا ونى ەلگە قايتارۋ تۋرالى ءوتىنىش بەرىلگەن.
«شەشىم ءالى قابىلدانعان جوق», دەپ مالىمدەدى باس پروكۋراتۋرا.
تەرگەۋدىڭ نۇسقاسى بويىنشا, بايسەيىتوۆ تۇركىستان وبلىسىنداعى «قاراتاۋ» كەنىشىنىڭ قۇرىلىسىن سالۋعا بولىنگەن 320 ملن تەڭگەدەن استام قاراجاتتى جىمقىرعان. تەرگەۋشىلەردىڭ مالىمەتىنشە, جوبا ءۇشىن قاجەتتى جابدىق جەتكىزىلمەگەن, ال قارجىنىڭ ءبىر بولىگى «Iri building» جانە «قاراتاۋ» كومپانيالارى ارقىلى زاڭسىز شىعارىلعان.
بايسەيىتوۆ ءوزى باسقاراتىن كومپانيانىڭ قىزمەتىنە لوببي جاساعانى انىقتالدى.
ء«ىس قازاقستان رەسپۋبليكاسى قىلمىستىق كودەكسىنىڭ 189-بابى 4-بولىگىنىڭ 2-تارماعى بويىنشا سارالاندى, بۇل تارماق ادامدار توبىنىڭ اسا ءىرى كولەمدە باسقا بىرەۋدىڭ مۇلكىن جىمقىرۋىنا قاتىستى», دەلىنگەن حابارلامادا.
ايتا كەتەيىك, 2017–2021 جىلدارى باحتيار بايسەيىتوۆ «ورداباسى» فۋتبول كلۋبىنىڭ پرەزيدەنتى بولعان.
