Yandex Ads وكىلى مادينا سەيسەنعاليەۆانىڭ ايتۋىنشا, ەل تۇرعىندارى جاڭا جىل قارساڭىندا «كىمگە نە سىيلايمىن, داستارقانعا نە قويامىن, قايدا بارامىن» دەگەن جوسپارلار قۇرادى.
سىيلىق رەتىندە سەرۆيستەرگە جازىلىم وتە تانىمال. جەلتوقساندا وعان سۇرانىس ارتادى: اسىرەسە مۋلتيجازىلىمدار, ويىندارعا جازىلىمدار جانە Telegram Premium ءجيى تاڭدالادى.
بالالار ءۇشىن جاڭا جىل – شىرشا تويى مەن ەرتەڭگىلىك. سول سەبەپتى اتا-انالار بالالارعا ارنالعان ءىس-شارالاردى قازاننىڭ سوڭىنان باستاپ ىزدەي باستايدى. ال بالالارعا سىيلىق ىزدەۋ جەلتوقساننىڭ ەكىنشى اپتاسىندا ەڭ جوعارى دەڭگەيگە جەتەدى.
تۇرعىندار قىستا ۋاقىتتى قىزىقتى وتكىزۋ جولدارىن دا بەلسەندى ىزدەيدى. ماسەلەن, مۇز ايدىندارىنا, بوۋلينگكە, كاراوكەگە سۇرانىستار قاتتى وسەدى.
مەرەكەلىك داستارقانعا ارنالعان ونىمدەرگە دە قىزىعۋشىلىق كوبەيىپ, ازىق-ت ۇلىك پەن دايىن تاماق جەتكىزۋگە سۇرانىس ارتادى. اسىرەسە بالىق, تەڭىز ونىمدەرى, تاتتىلەر مەن ەت ونىمدەرى كوپ ىزدەلەدى.
تاتتىلەر ىشىندە اق شوكولاد, كارامەل, كامپيتتەر, ءتاتتى ناندار مەن ۆافلي ەڭ تانىمال. سۋسىنداردان شاي, كوفە جانە شىرىندار ءجيى ىزدەلەدى.
سىيلىق رەتىندە ادامدار كوبىنە ەلەكترونيكا مەن تۇرمىستىق تەحنيكانى تاڭدايدى. بيىل 3D-پرينتەرلەر, ساۋندبارلار, VR-كوزىلدىرىكتەرگە قىزىعۋشىلىق ارتقان. سونداي-اق اەروگريل, ستايلەر جانە بۋ تازارتقىشتار ءجيى ساتىپ الىنادى.
اقىلدى گادجەتتەرگە سۇرانىس ەكى ەسە وسكەن. اسىرەسە «اقىلدى» كولونكالار مەن تەلەديدارلار كوپ قارالادى.
جاڭا جىلدا ادامدار ەرەكشە سىيلىق العىسى كەلەدى, بىراق قىمبات زاتتى تاڭداۋعا كوپ ۋاقىت كەتەدى. كوپشىلىك ينتەرنەتتە بىرنەشە رەت ىزدەپ, بىرنەشە سايتتى سالىستىرىپ بارىپ شەشىم قابىلدايدى.
ءۇيدى اسەمدەۋگە ارنالعان زاتتار دا وتە تانىمال: جاساندى جانە ءتىرى شىرشالار, ويىنشىقتار, گيرلياندالارعا سۇرانىس بىرنەشە ەسەگە وسەدى. سونىمەن قاتار جەلتوقساندا كوسمەتيكا مەن پارفيۋمەريانى دا ءجيى ىزدەيدى – وزىنە دە, سىيلىققا دا ساتىپ الاتىندار كوبەيەدى.
