وتە از سالماقتا تۋعان ءسابيدىڭ العاشقى 56 كۇنى جان ساقتاۋ بولىمىندە دارىگەرلەردىڭ ءجىتى باقىلاۋىندا ءوتتى. اق جەلەڭدىلەر 75 كۇن بويى بالانىڭ ءومىرى ءۇشىن كۇرەسىپ, زاماناۋي مەديتسينالىق تەحنولوگيالار مەن دارىلىك پرەپاراتتاردى قولداندى. قازىرگى تاڭدا ءسابي 2350 گرامم سالماقتا ۇيىنە شىعارىلدى.
– از سالماقتا تۋعان بالالاردىڭ ءومىرىن ساقتاۋدا انا مەن دارىگەرلەردىڭ قانشاما ۇيقىسىز تۇندەرى مەن ۋايىمى بار. ءبىز ءۇشىن ءاربىر بالانىڭ امان قالۋى – ۇلكەن جەڭىس. شالا جانە وتە از سالماقتا تۋعان بالالاردى ەمدەۋدە جوعارى تەحنولوگيالىق جابدىقتار مەن زاماناۋي ءدارى-دارمەكتەر قولدانىلادى. بارلىق مەديتسينالىق كومەك ءمامس جۇيەسى ارقىلى كورسەتىلەدى, – دەيدى قالالىق پەريناتالدىق ورتالىقتىڭ دارىگەر-نەوناتولوگى ساپارگۇل قوجاباەۆا.
دارىگەردىڭ ايتۋىنشا, جىل باسىنان بەرى ورتالىقتا 38 شاقالاق وتە تومەن سالماقتا دۇنيەگە كەلگەن. مۇنداي سابيلەردىڭ ءومىرىن ساقتاۋ تەك كاسىبي بىلىكتىلىك پەن زاماناۋي مەديتسينالىق قۇرالداردىڭ ارقاسىندا مۇمكىن.
