ونىڭ ايتۋىنشا, 2024 جىلدىڭ قورىتىندىسى بويىنشا مۇناي ونىمدەرىن ءوندىرۋ كولەمى 14,52 ملن توننانى قۇرادى, وسى جىلى 14,55 ملن توننا ءونىم ءوندىرۋ كوزدەلىپ وتىر. 2040 جىلعا دەيىن مۇناي ونىمدەرىن ءوندىرۋدى 14,52-دەن 29,2 ملن تونناعا دەيىن ارتتىرۋ جوسپارلانۋدا. سونىمەن قاتار 2040 جىلعا قاراي مۇناي ونىمدەرىنىڭ ساپاسىن قازىرگى ەكولوگيالىق ستاندارتىنان K4-تەن K5+ دەڭگەيىنە دەيىن تۇراقتى تۇردە جاقسارتۋ جانە سىرتقى نارىقتارعا ەكسپورتتاۋ كۇتىلۋدە.
«2040 جىلعا قاراي زاماناۋي وتىن-مۇناي-حيميالىق كونفيگۋراتسيادا قۋاتى 10 ملن توننا مۇناي وڭدەيتىن جاڭا ۇلكەن سىيىمدىلىقتاعى ءىرى زاۋىتتى ىسكە قوسۋ جانە وڭدەۋ قۋاتىن 30-دان 40 ملن تونناعا دەيىن ارتتىرۋ جوسپارلانۋدا. جاڭا زاۋىتتىڭ وڭدەۋ تەرەڭدىگى 95%-دى قۇرايدى. بۇل جوبالاردى جۇزەگە اسىرۋ ىشكى نارىقتىڭ جانار-جاعارماي ماتەريالدارىنا ءوسىپ كەلە جاتقان سۇرانىسىن 100% قامتاماسىز ەتۋگە, سونداي-اق مۇناي ونىمدەرىن كورشىلەس ەلدەرگە ەكسپورتتاۋعا مۇمكىندىك بەرەدى», دەپ اتاپ ءوتتى مينيستر.سونىمەن قاتار ۇكىمەت وتىرىسىندا ەنەرگەتيكا ءمينيسترى بيزنەس-پروتسەستەردى تسيفرلاندىرۋدىڭ تيىمدىلىگى تۋرالى ەسەپ بەردى. ونىڭ ايتۋىنشا, «Oil transportation management» اقپاراتتىق جۇيەسىنىڭ ىسكە قوسىلۋى مۇناي جەتكىزۋ كەستەسىن ۇسىنۋ مەن كەستەنى بەكىتۋ مەرزىمىن 7 كۇننەن 2 كۇنگە دەيىن قىسقارتىپ, مۇنايدى ءبولۋدى اۆتوماتتاندىرۋعا مۇمكىندىك بەردى.
سونىمەن قاتار 123 مۇناي بازاسىن قامتيتىن «Oil Track» جۇيەسى مۇناي ونىمدەرىنىڭ اينالىمىنا تاۋلىك بويى مونيتورينگ جۇرگىزۋدى قامتاماسىز ەتەدى.
«وسىنىڭ ناتيجەسىندە ءوتىنىمدى وڭدەۋ ۋاقىتىن 3 ساعاتتان 10 مينۋتقا دەيىن, وتىننىڭ «سۇر» اينالىمىن 20%-عا دەيىن قىسقارتتى. قۇرىلعىلاردان دەرەكتەر اۆتوماتتى تۇردە 24/7 رەجيمدە قابىلدانىپ, ۇزدىكسىز باقىلاۋدى قامتاماسىز ەتەدى. سۇرانىستى بولجاۋ جانە لوگيستيكانى وڭتايلاندىرۋ ءۇشىن جاساندى ينتەللەكتتى پايدالانۋ مۇمكىندىگى قاراستىرىلۋدا», دەپ اتاپ ءوتتى مينيستر.
