ونىڭ ايتۋىنشا, ءوسىم ەڭ الدىمەن مەتاللۋرگيا, ماشينا جاساۋ, حيميا سالاسى, سونداي-اق قۇرىلىس ماتەريالدارى سىندى نەگىزگى سەگمەنتتەردە ءوندىرىس كولەمىن ۇلعايتۋ ەسەبىنەن قالىپتاسىپ وتىر.
سونداي-اق وڭدەۋ ونەركاسىبىندە جىل سوڭىنا دەيىن 1,5 ترلن تەڭگەگە 190 جوبانى ىسكە قوسۋ جوسپارلانعان. بۇگىندە 147 جوبا جۇزەگە اسقان. ناتيجەسىندە 18 مىڭنان استام جۇمىس ورنى قۇرىلعان. ولاردىڭ ىشىندە قىتايلىق Chery, Changan, Haval جانە Tank برەندتەرىنىڭ جەڭىل اۆتوموبيلدەرىن, تاماق ونەركاسىبىنە, تۇرمىستىق تەحنيكاعا ارنالعان اليۋميني قاپتامالارىن, سونداي-اق ءجۇندى قايتا وڭدەۋ جانە توقىما ماتەريالدارىن ءوندىرۋ بويىنشا جوبالار بار.
«اتالعان جوبالار تولىق وندىرىستىك قۋاتىنا شىققان كەزدە وڭدەۋ ونەركاسىبىنىڭ كولەمى جىلىنا 2,3 ترلن تەڭگەگە ۇلعايادى», دەپ اتاپ ءوتتى ەرسايىن ناعاسپاەۆ.
ۆەدومسۆتو باسشىسىنىڭ ايتۋىنشا, 2022 جىلدان بەرى جەڭىلدىكپەن نەسيەلەۋ ارقىلى وڭدەۋ ونەركاسىبىندەگى 116 جوبا قارجىلاندىرىلدى. مينيستر مەملەكەتتىك دامۋ ينستيتۋتتارى جاڭا وندىرىستەردى قولداۋدا ماڭىزدى ءرول اتقاراتىنىن ايتتى.
«2022 جىلدان باستاپ جەڭىلدەتىلگەن نەسيەلەۋ تەتىگى ارقىلى 116 جوبا قارجىلاندىرىلدى. بۇل ماقساتتارعا بيۋدجەتتەن 500 ملرد تەڭگەدەن استام قارجى ءبولىندى, ال نارىقتان قوسىمشا قارجى تارتۋ جانە ارالاس قارجىلاندىرۋ تەتىگىن قولدانۋ ەسەبىنەن جالپى سوما 700 ملرد تەڭگەگە دەيىن ۇلعايتىلدى», دەدى ەرسايىن ناعاسپاەۆ.ناتيجەسىندە رادياتورلار, اۆتوكومپونەنتتەر, ش ۇلىق-شۇلعاۋ بۇيىمدارى, لاك-بوياۋ جانە گەوسينتەتيكالىق ماتەريالدار مەن باسقا دا تاۋارلار ءوندىرىسى ىسكە قوسىلدى.
