فوتو: islam.kz
شەتەلدىك ستۋدەنتتەردىڭ قۇرىلىمى, ءبىلىم الۋشىلار گەوگرافياسى جىلدان-جىلعا كەڭەيىپ كەلەدى. كوش باستاپ تۇرعان مەملەكەتتەر قاتارىندا ءۇندىستان (9 959), تۇرىكمەنستان (9 089), وزبەكستان (4 136), قىتاي (3 367) جانە رەسەي (2 426) بار.
شەتەلدىك ستۋدەنتتەردىڭ باسىم بولىگى الماتى, استانا, شىمكەنت قالالارىندا ءبىلىم الۋدى قۇپ كورەدى. قازىر 18 195 شەتەل ستۋدەنتى – الماتىدا, 4 292 ستۋدەنت – استانادا, 3 645 ستۋدەنت – شىمەنتتە ءبىلىمىن شىڭداپ ءجۇر.
ۇلتتىق ۋنيۆەرسيتەتتەر شەتەلدىك ستۋدەنتتەردى تارتۋدا ستراتەگيالىق درايۆەرگە اينالىپ وتىر.
شەتەلدىك ستۋدەنتتەر سانى بويىنشا ۇزدىك 5 ۋنيۆەرسيتەت:
1. ءال-فارابي اتىنداعى قازۇۋ – 4 497;
2. س.اسفەندياروۆ اتىنداعى قازۇمۋ – 2 687;
3. ل.گۋميلەۆ اتىنداعى ەۇۋ – 2 483;
4. ق.ساتباەۆ اتىنداعى قازۇتزۋ – 1 759;
5. م.اۋەزوۆ اتىنداعى وقمۋ – 1 730.
شەتتەن كەلەتىن ىزدەنۋشىلەردىڭ دەنساۋلىق ساقتاۋ جانە مەديتسينا, پەداگوگيكا, بيزنەس جانە قۇقىق, ينجەنەريا, اقپاراتتىق تەحنولوگيالار سىندى باعىتتاردا ءبىلىم الۋعا سۇرانىسى جوعارى.
ۆەدومستۆو وزگە ەلدەن كەلىپ, ءبىلىم الۋشىلاردىڭ قاتارى قازاقستانداعى ءبىلىم ساپاسىنىڭ جوعارى ءارى وقۋ اقىسىنىڭ قولجەتىمدى بولۋىنا بايلانىستى ارتىپ وتىرعانىن مالىمدەدى.
«سوڭعى جىلدارداعى جوعارى ءبىلىم بەرۋ رەفورمالارى, جەتەكشى شەتەلدىك ۋنيۆەرسيتەت فيليالدارىنىڭ اشىلۋى, عىلىمي كلاستەرلەردىڭ دامۋى, ستاندارتتاردىڭ جاڭارتىلۋى جانە حالىقارالىق اكادەميالىق جەلىلەردىڭ كەڭەيۋى سالانىڭ ەكسپورتتىق الەۋەتىن تۇراقتى ارتتىرۋعا جاعداي جاساپ كەلەدى. ناقتى دەرەكتەر قازاقستاننىڭ ورتالىق ازياداعى ءىرى ءبىلىم بەرۋ ورتالىقتارىنىڭ قاتارىندا عانا ەمەس, سونىمەن بىرگە وڭىرلىك كادر دايارلاۋ ۇدەرىستەرىنە ىقپال ەتەتىن ءوز ءبىلىم بەرۋ حابىن قالىپتاستىرىپ كەلە جاتقانىن دالەلدەيدى», دەلىنگەن مينيسترلىك تاراتقان حابارلامادا.
