ۋاكىلدىڭ ايتۋىنشا, وعان ازاماتتاردان بلوگەردىڭ بالالاردى قورلايتىن ءارى كەمسىتەتىن مالىمدەمەلەرىنە قاتىستى كوپتەگەن شاعىمدار كەلىپ تۇسكەن.
«ديسكريميناتسياعا جول بەرىلمەيدى. قورلاعانى ءۇشىن قىلمىستىق جاۋاپكەرشىلىك قاراستىرىلعان», دەدى دينارا زاكيەۆا Instagram-داعى پاراقشاسىندا.
ونىڭ مالىمەتىنشە, قازىرگى ۋاقىتتا ءىىم اتالعان جاعدايعا قۇقىقتىق باعا بەرۋ ءۇشىن زەرتتەۋ جۇرگىزىپ جاتىر.
ۋاكىل جاريالاعان سكرينشوتتا ۆەدومستۆو وكىلدەرى بلوگەردىڭ سوزىنە بايلانىستى پروتسەسسۋالدىق شەشىم قابىلداۋ ءۇشىن ماتەريالداردى تەكسەرىپ جاتقانىن راستاعان.
ارىزعا سەبەپ بولعان ۆيدەودا بلوگەر ەرەكشە قاجەتتىلىكتەرى بار بالالاردىڭ دۇنيەگە كەلۋىن, اۋتيزم مەن ونكولوگيالىق اۋرۋلاردى «بلۋدپەن», «رۋحاني زاڭدىلىقتارمەن» جانە «تابيعاتتىڭ جازاسىمەن» بايلانىستىرعان. بۇل روليك الەۋمەتتىك جەلىلەردە كەڭ تارالىپ, اتا-انالاردىڭ قاتتى نارازىلىعىن تۋدىردى. كوپشىلىك بۇل مالىمدەمەلەردى كەمسىتۋشىلىك ءارى قورلايتىن ارەكەت دەپ سانايدى.
