كورمەدە سۋرەتشىنىڭ ءومىر جولىنا, شىعارماشىلىق مۇراسىنا جانە تۋعان جەرگە دەگەن شىنايى قۇرمەتىنە نەگىزدەلگەن تۋىندىلار كوڭىل باۋرايدى.
ۇلتتىق مادەنيەتىمىزدى جاڭعىرتىپ, قازاقستاننىڭ بەينەلەۋ ونەرىن كوپشىلىككە تانىتۋ, رۋحاني قۇندىلىقتاردى تەرەڭ ناسيحاتتاۋ ماقساتىندا ۇيىمداستىرىلعان كورمەدە تۋعان جەر تاريحى, ۇلتتىق بولمىس پەن تابيعات سۇلۋلىعى بەينەلەنىپ, كورەرمەنگە ەل مادەنيەتىنىڭ تەرەڭ تامىرىن سەزىنۋگە مۇمكىندىك بەرەدى.
كورمەنىڭ اشىلۋ سالتاناتىندا سۋرەتشىنىڭ العاشقى ۇستازدارى مەن ارىپتەستەرى ءسوز الىپ, قالي قورالاسباەۆتىڭ شىعارماشىلىق جولىنىڭ ەرەكشەلىگى مەن ەل مادەنيەتىنە قوسقان ۇلەسىن اتاپ ءوتتى.
سالتاناتتى راسىمدە ۇلتتىق ورتالىق مۋزەيىنىڭ عالىم-حاتشىسى ەرسىن جايناقوۆ, جامبىل وبلىسىنىڭ قۇرمەتتى ازاماتى بولات ساۋرانباەۆ, «ۇلاعات وتاۋى» قوعامدىق بىرلەستىگىنىڭ ءتورايىمى گۇلجاحان كارىبايقىزى, «رۋحانيات شۋ» قوعامدىق قورىنىڭ توراعاسى ساكەن اتاەۆ, سۋرەتشىنىڭ العاشقى ۇستازدارىنىڭ ءبىرى سەرىكباي ءالجانوۆ, سۋرەتشى مۇحتار ەگەزەكوۆ, ونەر اكادەمياسىنىڭ ۆيتسە-پرەزيدەنتى مارلان نىسانباەۆ, شۋ اۋدانىنىڭ اكىمى باقىتجان جانىبەكوۆ قۇتتىقتاۋ ءسوز سويلەپ, سۋرەتشىنىڭ ەڭبەگىنە جوعارى باعا بەردى.
كورمە بارىسىندا قالي قورالاسباەۆتىڭ شىعارماشىلىعىنا ارنالعان جاڭا فورماتتا دايىندالعان كىتاپتىڭ تۇساۋكەسەرى ءوتتى. جيناققا اۆتوردىڭ كەڭىنەن تانىمال تۋىندىلارىمەن قاتار, بۇرىن جاريالانباعان جۇمىستارى مەن مۇراعاتتىق فوتوسۋرەتتەرى ەنگەن.
سالتاناتتى ءىس-شارا شۋ اۋدانىنان ارنايى كەلگەن ءابىلاحات ەسپاەۆ اتىنداعى ساز مەكتەبىنىڭ ءانسامبلى تارتۋ ەتكەن مۋزىكالىق كونتسەرتكە ۇلاستى.
