شابۋىل كەزىندە «ۇشقىشسىز ۇشاق قاۋپى» دابىلى قوسىلىپ, بارلىق قىزمەتكەر قاۋىپسىز ايماققا دەر كەزىندە ەۆاكۋاتسيالانعان. زارداپ شەككەندەر جوق.
تەڭىز – نوۆوروسسيسك قۇبىرىنىڭ جۇمىسىن باقىلايتىن وڭتۇستىك وزەرەەۆكاداعى باسقارۋ ورتالىعى قالىپتى رەجيمدە جۇمىس ىستەپ تۇر. سوعان قاراماستان, درون سوققىسى سالدارىنان تەڭىزدەگى جۇك تيەۋ وپەراتسيالارى ۋاقىتشا توقتاتىلعان.
كاسپي قۇبىر كونسورتسيۋمى وقيعادان كەيىن مۇناي تيەۋ جۇمىستارى قايتا باستالعانىن مالىمدەدى. جۇك جونەلتۋشىلەردىڭ مۇنايدى كقك جۇيەسىنە قابىلداۋى سوڭعى كۇندەرى شتاتتىق تارتىپتە ءجۇرىپ جاتقان.
2025 جىلى كقك ينفراقۇرىلىمى بىرنەشە رەت دروندىق شابۋىلعا ۇشىرادى. بۇعان دەيىن «كروپوتكينسكايا» جانە تەڭىز تەرمينالىنىڭ قالالىق كەڭسەسى زاقىمدانعان ەدى. بۇل وقيعالار تەڭىز – نوۆوروسسيسك ەكسپورتىنىڭ ءالسىز تۇستارىن كورسەتىپ, تاسىمالدىڭ ۇزدىكسىزدىگىنە قاتىستى قاۋىپتىڭ بار ەكەنىن اڭعارتادى.
قازاقستان مۇنايىن تاسىمالداۋ جالعاسىپ جاتىر. دەگەنمەن جيىلەپ كەتكەن شابۋىلدار ينفراقۇرىلىمنىڭ وسالدىعىن كۇشەيتىپ, بولاشاقتا ەكسپورتتىق جەلىدە ىركىلىستەر بولۋى مۇمكىن ەكەنىن كورسەتەدى.
