فوتو: تجم
بۇل تۋرالى ۇكىمەت ۇيىندە وتكەن ءباسپاسوز جيىنىندا كولىك ۆيتسە-ءمينيسترى ماقسات قالياقپاروۆ مالىمدەدى.
ماقسات قالياقپاروۆ العاشقى الدىن الا تەرگەۋ قورىتىندىسى ءۇش اي ىشىندە جاريالانعانىن ەسكە سالىپ, قازىر كۇردەلى سوت-مەديتسينالىق ساراپتامالار جۇرگىزىلىپ جاتقانىن اتاپ ءوتتى.
«ازەربايجان ۇشاعىنىڭ اپاتقا ۇشىراۋى كۇردەلى تەرگەپ-تەكسەرۋ جۇمىسىن تالاپ ەتەتىندىكتەن, ناقتى مىنا كۇنى ناتيجە جاريالانادى دەپ ايتا المايمىن. باستىسى, ناقتى قورىتىندى قولعا تۇسكەندە باق وكىلدەرىنە اقپارات بەرىلەدى», دەدى كولىك ۆيتسە-ءمينيسترى.
بۇعان دەيىن باق-تا قۇلاعان ۇشاقتىڭ ەكسكليۋزيۆ سۋرەتتەرى جاريالانعان.
ايتا كەتەيىك, اقتاۋ ماڭىندا قۇلاعان ۇشاقتا قازاقستاننىڭ 6 ازاماتى بولعان ەدى. قازاقستان تاراپى اپاتتان كوز جۇمعان شەتەلدىكتەردىڭ ءمايىتىن ازەربايجانعا جەتكىزۋگە قول ۇشىن سوزعان.
