اپاتتاردىڭ باستى سەبەبى – جۇرگىزۋشىلەردىڭ جول قوزعالىسى ەرەجەلەرىن ساقتاماۋى.
قايعىلى جول اپاتتارى ازايماي وتىرعان بۇل تراسساعا بۇگىن اقتوبە وبلىسى پوليتسيا دەپارتامەنتىنىڭ باسشىسى اباي جۋسۋپوۆ جۇمىس ساپارىمەن شىعىپ, جولداعى جاعدايمەن جەكە تانىستى. ول جۇرگىزۋشىلەرمەن, اسىرەسە جولاۋشىلار تاسىمالدايتىن اۆتوبۋس, تاكسي جۇرگىزۋشىلەرىمەن, جۇك كولىگىن باسقارۋشىلارمەن سويلەسءىپ, جۇرگىزۋشىلىك ءتارتىپ پەن قاۋىپسىزدىك ەرەجەلەرىن ەسكە سالدى. سونىمەن قاتار, پوليتسيا باسشىسى ولاردىڭ جول ساپاسىنا, قوزعالىستى ۇيىمداستىرۋعا جانە اقپاراتتىق بەلگىلەرگە قاتىستى ۇسىنىستارى مەن ەسكەرتۋلەرىن دە تىڭدادى.
«بۇل جول ۋچاسكەسىندە جول-كولىك وقيعالارىنىڭ باستى سەبەبى – جۇرگىزۋشىلەردىڭ قارسى باعىتقا شىعۋى, جىلدامدىقتى اسىرۋى جانە اراقاشىقتىقتى ساقتاماۋى. ءبىز ءوز تاراپىمىزدان ازاماتتاردىڭ قاۋىپسىزدىگى ءۇشىن ەڭ ءتيىمدى, اسەرى بار دەگەن شارالاردىڭ بارلىعىن قابىلداپ جاتىرمىز. مىسالى, پاترۋلدىك جاساقتاردىڭ تىعىزدىعى ارتتى, جاسىرىن باقىلاۋ كۇشەيتىلءدى, جولدىڭ ۋاقىتشا تارىلتۋ ءتاسىلى, دروندارمەن باقىلاۋ قولدانىلادى. دەگەنمەن, جۇرگىزۋشىلىك ءتارتىپ بولماسا, ەشبىر شارامەن وڭ ناتيجەگە جەتۋ مۇمكىن ەمەس», دەدى اباي ءجۇسىپوۆ جۇرگىزۋشىلەرگە.
ساپار بارىسىندا پوليتسيا باسشىسى جولداعى پاترۋلدىك پوليتسيا ناريادتارىنىڭ جۇمىسىن, بلوك-بەكەتتىڭ قىزمەتىن تەكسەرءدى.
بۇگىنگى كۇنى سامارا-شىمكەنت اۆتوجولىندا ستاتسيونارلىق پوليتسيا بەكەتتەرى جۇمىس ىستەپ تۇر, ولار جول ەرەجەلەرىنىڭ ساقتالۋىن باقىلاپ, قاۋىپ تۋىنداعان جاعدايدا جەدەل ارەكەت ەتەدى. بۇل رەتتە, اپاتتى جاعداي تۋعىزۋشىلار اۋە ارقىلى دا انىقتاپ جاتىر. دروندار, اسىرەسە, باسىپ وسۋ ەرەجەلەرىن بۇزعان, قارسى باعىتقا شىققان جۇرگىزۋشىلەردى انىقتاپ جاتىر.
