فوتو: جوعارى اۋديتورلىق پالاتا
بيىل كوكتەمدە دەنساۋلىق ساقتاۋ مينيسترلىگىنىڭ, ونىڭ ۆەدومستۆولىق باعىنىستى ۇيىمدارىنىڭ جانە بىرىڭعاي ديستريبيۋتور «سك-فارماتسيا» جشس-نىڭ قىزمەتىنە مەملەكەتتىك اۋديت جۇرگىزىلدى. جوعارى اۋديتورلىق پالاتا ازاماتتار مەن اۋرۋحانالاردىڭ ءدارى-دارمەكتەرمەن جانە مەديتسينالىق بۇيىمدارمەن قالاي قامتاماسىز ەتىلەتىنىن تەكسەردى.
اۋديت اياقتالعاننان كەيىن اۋديت وبەكتىلەرىنە انىقتالعان كەمشىلىكتەر مەن بۇزۋشىلىقتاردى جويۋ ءۇشىن ناقتى تاپسىرمالار بەرىلدى.
جۇرگىزىلگەن جۇمىس ناتيجەسىندە دەنساۋلىق ساقتاۋ مينيسترلىگى تەگىن مەديتسينالىق كومەكتىڭ كەپىلدىك بەرىلگەن كولەمى (تمككك) جانە مىندەتتى مەديتسينالىق ساقتاندىرۋ جۇيەسى ء(مامس) شەڭبەرىندە ءدارى-دارمەكتەر مەن مەديتسينالىق بۇيىمداردىڭ شەكتى باعالارىن قالىپتاستىرۋ قاعيدالارىنا ماڭىزدى وزگەرىستەر ەنگىزدى.
باستى ماقسات – نەگىزسىز ۇستەمە باعالاردىڭ الدىن الۋ
رەفەرەنتتىك باعا بەلگىلەۋ (باسقا ەلدەردەگى باعالاردى سالىستىرۋ) ءتارتىبى جاڭارتىلدى جانە باعا بەلگىلەۋدى بارىنشا ناقتى ءارى اشىق ەتۋ ءۇشىن قولدا بار وزەكتى دەرەكتەر مەن اقپاراتتىق جۇيەلەردى پايدالانا وتىرىپ, باعالاردى تىركەۋ كوزدەلگەن. باستى ماقسات – نەگىزسىز ۇستەمە باعالاردىڭ الدىن الۋ.
جاڭا مەحانيزم شەڭبەرىندە تمككك مەن ءمامس جۇيەسىنە كىرەتىن 2,9 مىڭ ءدارى-دارمەك اتاۋىنىڭ, سونداي-اق بولشەك جانە كوتەرمە ساۋدا ءۇشىن 4,9 مىڭ ءدارى-دارمەك باعاسى قايتا قارالدى.
دارىلىك زاتتار بويىنشا وزگەرىستەر
دەنساۋلىق ساقتاۋ مينيسترلىگىنىڭ بۇدان بۇرىن بەكىتىلگەن بۇيرىقتارىنا دا وزگەرىستەر ەنگىزىلدى. ناتيجەسىندە 453 پوزيتسيا بويىنشا باعا تومەندەدى, 38 پوزيتسيا بويىنشا باعا كوتەرىلدى, 601 پوزيتسيا وزگەرىسسىز قالدى. مەديتسينالىق بۇيىمداردىڭ 1,4 مىڭ تەحنيكالىق سيپاتتاماسى جانە دارىلىك زاتتاردىڭ 1,1 مىڭ حالىقارالىق پاتەنتتەلمەگەن اتاۋى تۇزەتىلدى. قوسىمشا دارىلىك زاتتاردىڭ 28 جاڭا پوزيتسياسى ەنگىزىلدى.
حالىقارالىق ۇيىمدارىمەن جاسالعان كەلىسىمدەر قايتا جاڭارتىلدى
سونىمەن قاتار بىرىڭعاي ديستريبيۋتور بۇۇدب مەن يۋنيسەف-ءتى قوسا العاندا, بۇۇ جۇيەسىنىڭ حالىقارالىق ۇيىمدارىمەن جاسالعان كەلىسىمدەردى قايتا قاراپ, جاڭارتتى.
ەندى قۇجاتتاردا مىناداي جاڭا تارماقتار بەكىتىلدى:
- مەديتسينالىق تاۋارلاردى جەتكىزۋ مەرزىمدەرى مەن ساپاسىنىڭ ساقتالۋى ءۇشىن جاۋاپتىلىق;
- جوسىقسىز جەتكىزۋشىلەرگە ايىپپۇل سانكتسيالارىن قولدانۋ;
- ءىشىنارا الدىن الا تولەم جاساۋ مۇمكىندىگى.
قابىلدانعان شارالار ساتىپ الۋ قىزمەتىنىڭ اشىقتىعى مەن تيىمدىلىگىن ارتتىرۋعا, جەتكىزىلەتىن ءدارى-دارمەكتەر مەن مەديتسينالىق بۇيىمداردىڭ ساپاسىن باقىلاۋدى كۇشەيتۋگە, سونداي-اق باعا بەلگىلەۋ مەحانيزمدەرىن وڭتايلاندىرۋعا باعىتتالعان.
مەملەكەتتىك اۋديت قورىتىندىسى بويىنشا باسقا دا تاپسىرمالاردىڭ ورىندالۋى جوعارى اۋديتورلىق پالاتانىڭ باقىلاۋىندا تۇر.
