ۇيىمداستىرۋشىلار ازاماتتاردى «HALYK QUATY» كووپەراتيۆىنە مۇشە بولۋعا شاقىرىپ, تۇرعىن ءۇي مەن اۆتوكولىكتەردى پايىزسىز ءبولىپ تولەۋ ارقىلى الۋعا بولادى دەپ سەندىرىپ, پايلىق جارنالاردى ەنگىزۋدى ۇسىنعان.
«halykquaty.kz سايتى جانە الەۋمەتتىك جەلىلەر ارقىلى ءوز قىزمەتىن جارنامالاپ, ء«ار وتباسىعا باقىت!» دەگەن ۇراندى پايدالانىپ, «حالىقتىق كووپەراتيۆ» دەگەن جالعان بەينە قالىپتاستىرعان.
«HALYK» تاۋارلىق بەلگىسىن زاڭسىز پايدالانعانى ءۇشىن اكىمشىلىك جاۋاپكەرشىلىككە تارتىلعاننان كەيىن كووپەراتيۆ اتاۋى «ELL QUATY» بولىپ وزگەرتىلگەن. جاڭا سالىمشىلاردى تارتۋ ءۇشىن باسشىلىق ءتۇرلى ماركەتينگتىك اكتسيالار وتكىزگەن, سونىڭ ىشىندە «سولنەچنايا تۋرتسيا» تۋريستىك جولدامالارىن ۇتىسقا قويعان», دەپ ءتۇسىندىردى اگەنتتىك.
قىلمىستىق جولمەن تۇسكەن تابىستى زاڭداستىرۋ ماقساتىندا ۇيىمداستىرۋشى ءوز اتىنا «QAZ INFO MARKET» جشس تىركەپ, وندا كاسىبي, عىلىمي جانە تەحنيكالىق قىزمەتتەرگە تولەم رەتىندە كورسەتىپ, سالىمشىلاردان تۇسكەن قاراجاتتى شىعارعان.
الايدا بۇل قىزمەتتەر ءىس جۇزىندە كورسەتىلمەگەن. ناتيجەسىندە پيراميداعا 1,5 مىڭنان اسا سالىمشى تارتىلىپ, ولار جالپى 6,8 ملرد تەڭگە قارجى قۇيعان.
ۇيىمداستىرۋشى قاماۋعا الىندى. تەرگەۋ امالدارى جالعاسىپ جاتىر.
