كورەرمەندەر فينال تىكەلەي ەفيردە كورسەتىلگەن كەزدە جوبانىڭ رەسمي سايتىندا – silkwaystar.org داۋىس بەرە الادى. ترانسلياتسيا 22 قاراشا كۇنى ساعات 20:00-دە Jibek Joly تەلەارناسىندا وتەدى.
داۋىس بەرۋ ءتارتىبى:
1-قادام. بايقاۋ قاتىسۋشىسىنا داۋىس بەرۋ ءۇشىن شوۋ بارىسىندا ەكراندا كورسەتىلەتىن QR-كودتى سمارتفون ارقىلى سكانەرلەۋ قاجەت. QR-كود ءسىزدى رەسمي داۋىس بەرۋ سايتىنا باعىتتايدى.
2-قادام. سايتقا وتكەننەن كەيىن فيناليست ەلدەردىڭ جالاۋلارى كورسەتىلەدى. ءسىز ۇناعان قاتىسۋشىنى تاڭداپ, وعان 0-دەن 12-گە دەيىن باعا قويا الاسىز. ءار كورەرمەن فيناليستەردىڭ بارلىعىن باعالاي الادى, بىراق ءوز ەلىنىڭ وكىلىنە داۋىس بەرۋگە قۇقىعى جوق.
ماڭىزدى! كورەرمەن ءوز ەلىنىڭ اتىنان ونەر كورسەتەتىن قاتىسۋشىعا داۋىس بەرە المايدى. بۇل ەرەجە ءادىل, بەيتاراپ جانە وبەكتيۆتى باعالاۋدى قامتاماسىز ەتۋ ءۇشىن ەنگىزىلگەن.
نازار اۋدارىڭىز! داۋىس بەرۋ تەك تىكەلەي ەفير ۋاقىتىندا اشىق بولادى. ونىڭ باستالۋى مەن اياقتالۋى تۋرالى جۇرگىزۋشىلەر حابارلايدى.
Silk Way Star بايقاۋىنىڭ گراند-فينالىنا وتكەندەر:
-
ALEM (قازاقستان);
-
يازمين ازيز (مالايزيا);
-
اۆتانديل ابەسلاميدزە (گرۋزيا);
-
ميشەل دجوزەف (موڭعوليا);
-
چجان حە سيۋان (قىتاي);
-
سارو گەۆورگيان (ارمەنيا);
-
مادينابونۋ ادىلوۆا (وزبەكستان).
Silk Way Star جوباسى پرەزيدەنتتىڭ تەلەراديوكەشەنى مەن قىتايدىڭ China Media Group (CMG) مەدياكورپوراتسياسى اراسىنداعى كەلىسىم اياسىندا جۇزەگە اسىرىلىپ جاتىر.
