مينيسترلىكتىڭ مالىمەتىنشە, بۇل قادام اەحا جارعىسىنا جانە ەلىمىزدىڭ باستاماسىمەن 2023 جىلعى 29 قىركۇيەكتە قابىلدانعان GC(67)/RES/15 قارارىنا سايكەس اگەنتتىك شەڭبەرىندە مۇشە مەملەكەتتەردىڭ ەگەمەندىك تەڭدىگىن قالپىنا كەلتىرۋدەگى ماڭىزدى كەزەڭ بولىپ سانالادى.
– بۇل شەشىم قازاقستاننىڭ جاھاندىق بەيبىتشىلىك پەن قاۋىپسىزدىكتى نىعايتۋعا, يادرولىق قارۋسىزدانۋ مەن تاراتپاۋ رەجيمىن قولداۋعا دەگەن تۇراقتى ۇستانىمىن تاعى ءبىر مارتە راستايدى, – دەلىنگەن قۇجاتتا.
مينيسترلىك مۇشە مەملەكەتتەردىڭ اەحا-داعى ەگەمەندىك تەڭدىكتى قالپىنا كەلتىرۋ جولىنداعى كۇش-جىگەرىن جوعارى باعالاپ, قيىر شىعىس توبىنا قاتىسۋشى ەلدەرگە كورسەتكەن قولداۋى مەن سەنىمى ءۇشىن ريزاشىلىعىن بىلدىرگەن.
– قازاقستاننىڭ جاڭا مارتەبەسى ەلىمىزگە اەحا باسقارۋشى ورگاندارىنىڭ جۇمىسىنا تولىققاندى قاتىسۋعا مۇمكىندىك بەرەدى, – دەپ قوسقان ۆەدومستۆو.
ءسىم اتاپ وتكەندەي, قازاقستان جاپپاي قىرىپ-جويۋ قارۋلارىنان ازات الەم قالىپتاستىرۋعا باعىتتالعان حالىقارالىق كۇش-جىگەردىڭ بەلسەندى قاتىسۋشىسى رەتىندە اتوم ەنەرگياسىن بەيبىت ماقساتتا پايدالانۋ, يادرولىق تەحنولوگيالاردى جاۋاپكەرشىلىكپەن قولدانۋ جانە اشىقتىق تەتىكتەرىن نىعايتۋ ىسىنە ءوز ۇلەسىن قوسۋدى جالعاستىرۋعا دايىن.
