فوتو: ەرلان ومار, «EQ»
سۇلەيمەنوۆتىڭ سوزىنشە, بۇل قادام قارىز الۋشىلاردىڭ تولەم قابىلەتىن باعالايدى. سونداي-اق, جالپى بەرەشەكتى شەكتەۋ ءۇشىن قولدانىلادى.
«حالىقتىڭ شامادان تىس كرەديت الۋىن شەكتەۋ ءۇشىن جاڭا ماكروپرۋدەنتسيالدى قۇرال – كىرىسكە قاتىستى بورىش كوەففيتسيەنتى ىسكە قوسىلادى. بۇل قۇرال حالىقارالىق پراكتيكادا قارىز الۋشىلاردىڭ تولەم قابىلەتىن باعالاپ, ولاردىڭ جالپى بەرەشەگىن شەكتەۋ ءۇشىن كەڭىنەن قولدانىلادى. وسى كوەففيتسيەنتتىڭ ناقتى ءمانى ەسەپتەلەدى. ونى كەلەسى جىلدىڭ ءبىرىنشى جارتىسىندا ىسكە قوسۋدى جوسپارلاپ وتىرمىز», دەدى ۇلتتىق بانك توراعاسى.
سونىمەن قاتار, 2026 جىلدىڭ 1 قاڭتارىنان باستاپ بانكتەرگە قاتىستى جاڭا سالىق ءتارتىبى ەنگىزىلەدى:
- بولشەك نەسيەلەندىرۋدەن تۇسەتىن كىرىس بويىنشا كورپوراتيۆتىك سالىقتىڭ مولشەرلەمەسى – 25%,
- بيزنەستى نەسيەلەندىرۋدەن – 20% تابىس سالىعى بەلگىلەنەدى.
بۇدان بولەك, «قازىر ساتىپ ال دا, كەيىن تولە» (BNPL) قىزمەتىن رەتتەۋ تاسىلدەرى ەنگىزىلەدى.
ۇلتتىق بانك باسشىسى جاڭا سالىق جانە بيۋدجەت كودەكستەرى مەملەكەتتىك قارجىنىڭ اشىقتىعىن ارتتىرۋعا, جوسپارلاۋ ساپاسىن جاقسارتۋعا جانە ۇلتتىق قورعا تاۋەلدىلىكتى تومەندەتۋگە باعىتتالعانىن اتاپ ءوتتى.
