«نۇر وتان» پارتياسى توراعاسىنىڭ ءبىرىنشى ورىنباسارى الماستى

استانا. 8 تامىز. مەملەكەت باسشىسى نۇرسۇلتان نازارباەۆ «نۇر وتان» پارتياسى توراعاسىنىڭ ءبىرىنشى ورىنباسارى قىزمەتىنە اسقار مىرزاحمەتوۆتى تاعايىندادى. بۇل تۋرالى «قازاقپارات» حابارلادى. بۇعان دەيىن «نۇر وتان» پارتياسى توراعاسىنىڭ ءبىرىنشى ورىنباسارى قىزمەتىن باۋىرجان بايبەك اتقارعان بولاتىن. وسى ۋاقىتتا «نۇر وتان» پارتياسى ساياسي بيۋروسى كەڭەسىنىڭ وتىرىسى وتۋدە. مىرزاحمەتوۆ اسقار يسابەك ۇلى 1962 جىلى تۋعان. اۋىل شارۋاشىلىعى جانە ەكونوميكالىق ماماندىقتارى بويىنشا ءبىلىم العان. اۋىل شارۋاشىلىعى عىلىمدارىنىڭ كانديداتى. اسپيرانتۋرانى اياقتاعان سوڭ 1988-1991 جىلدارى بۇكىلوداقتىق اۋىل شارۋاشىلىعى عىلىمدارى اكادەمياسىنىڭ شىعىس بولىمشەسى جۇيەسىندە كىشى, كەيىننەن اعا عىلىمي قىزمەتكەر بولىپ جۇمىس ىستەگەن. 1991-1997 جىلدارى شارۋاشىلىق سۋبەكتىلەردە مەن قوعامدىق ۇيىمداردا (ورتا ازيا جانە قازاقستان بيرجا قاۋىمداستىعى باسقارماسىنىڭ, قازاقستانداعى كاسىپكەرلەرى فورۋمى كەڭەسىنىڭ توراعاسى) باسشىلىق قىزمەتتەرىن اتقارعان. 1997 جىلدان 2006 جىلدىڭ قاڭتارىنا دەيىن قازاقستان پرەمەر-ءمينيسترىنىڭ كەڭەسشىسى, اۋىل شارۋاشىلىعى ۆيتسە-ءمينيسترى, ءبىرىنشى ۆيتسە-ءمينيسترى جانە اۋىل شارۋاشىلىعى ءمينيسترى لاۋازىمدارىندا قىزمەت اتقارعان. 2006 جىلدىڭ ساۋىرىنەن 2007 جىلدىڭ قىركۇيەگى اراسىندا قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى. 2007 جىلدىڭ قىركۇيەگىنەن 2009 جىلدىڭ ناۋرىزى ارالىعىندا - «وڭتۇستىك» الەۋمەتتىك كاسىپكەرلىك كورپوراتسياسى» ۇلتتىق كومپانياسى» اكتسيونەرلىك قوعامى باسقارماسىنىڭ توراعاسى. 2009 جىلدىڭ ناۋرىزىنان بۇگىنگى كۇنگە دەيىن وڭتۇستىك قازاقستان وبلىسىنىڭ اكىمى قىزمەتىن اتقاردى. تالعات رايىمبەك. دەرەك: «قازاقپارات». سۋرەت: otyrar.kz.