جالاعاشتا اۋرۋحانانىڭ باس دارىگەرى بيۋدجەتتەن 20 ملن. تەڭگە جىمقىرعان

استانا. 24 ماۋسىم. قىزىلوردا وبلىسى, جالاعاش اۋداندىق اۋرۋحاناسىنىڭ باس دارىگەرى مەملەكەت قارجىسىن تالان-تاراجعا سالعانى ءۇشىن 8 جىلعا باس بوستاندىعىنان ايرىلدى. بۇل تۋرالى وبلىستىق پروكۋراتۋرانىڭ ءباسپاسوز قىزمەتى حابارلادى. حابارلامادا جالاعاش اۋداندىق پروكۋراتۋراسى «جالاعاش اۋداندىق اۋرۋحاناسى» مەملەكەتتىك كوممۋنالدىق قازىنالىق كاسىپورىنى قىزمەتىندە مەملەكەتتەن بولىنگەن قاراجاتتاردىڭ جۇمسالۋ زاڭدىلىعىنا تەكسەرۋ جۇرگىزگەنى ايتىلعان. «جۇرگىزىلگەن تەكسەرۋ ورتالىق اۋرۋحانىنىڭ باس دارىگەرى ا.-نىڭ وسى قىزمەتتە جۇرگەندە مەملەكەتتەن بولىنگەن 2 400 000 تەڭگەنى ۇرلاعانىن انىقتادى. تەرگەۋ ارەكەتتەرىن جۇرگىزۋ بارىسىندا ا.-نىڭ اۋرۋحانانىڭ باس ەسەپشىسى ا.-مەن الدىن-الا ءسوز بايلاسۋى ارقىلى مەملەكەتكە جالپى سوماسى 19 640 463 تەڭگە شىعىن كەلتىرگەنى بەلگىلى بولدى», — دەدى اۋدان پروكۋراتۋراسى. تەكسەرۋ قورىتىندىسى بويىنشا اۋداندىق ورتالىق اۋرۋحاناسىنىڭ باس دارىگەرى ا.-عا قاتىستى قىلمىستىق كودەكستىڭ باپتارى بويىنشا قىلمىستىق ءىس قوزعالىپ, سوتقا جولداندى. «اۋداندىق پروكۋراتۋرامەن قوزعالعان قىلمىستىق ءىس سوت ورگانىنا جولدانىپ, جالاعاش اۋداندىق سوتىنىڭ 30 ناۋرىز 2015 جىلعى ۇكىمىمەن جوعارىدا اتالعان باپتارى بويىنشا باس دارىگەر كىنالى دەپ تانىلىپ, مۇلكى تاركىلەنە وتىرىپ 5 (بەس) جىل مەرزiمگە مەملەكەتتىك مەكەمەلەردە باسشىلىق لاۋازىمداردى اتقارۋ قۇقىعىنان, 8 (سەگىز) جىل مەرزىمگە باس بوستاندىعىنان ايىرۋ تۇرىندەگى جازاسى تاعايىندالدى», – دەپ حابارلادى ءباسپاسوز قىزمەتىنەن. تالعات رايىمبەك. دەرەك: وبلىستىق پروكۋراتۋرانىڭ ءباسپاسوز قىزمەتى. سۋرەت: egemen.kz.